aKing

aKing is 'n Engelstalige musiekgroep van Kaapstad (Suid-Afrika), waarvan al die lede egter Afrikaanssprekend is. Die groep het in November 2007 ontstaan en het in 2008 met hul eerste ateljeekortspeler Dutch Courage gedebuteer. In Maart 2008 het hulle op hul eerste musiektoer gegaan. Die groeplede is Laudo Liebenberg (voorsanger en hoofkitaarspeler), Hunter Kennedy (ritmekitaarspeler), Hennie van Halen (baskitaarspeler) en Jaco "Snake" Venter (tromspeler). Hunter Kennedy en Jaco Venter is ook in die Afrikaanse groep Fokofpolisiekar, terwyl Kennedy boonop in die elektroniese groep Die Heuwels Fantasties speel. Die groep se eerste enkelsnit, "The Dance", is op nasionale radio uitgesaai.

aKing
Oorsprong	Kaapstad (Suid-Afrika)
Genres	Pop, rock
Jare aktief	2007 — hede
Assosiasies	Die Heuwels Fantasties, Fokofpolisiekar
Webwerf	aking.co.za
Lede	Laudo Liebenberg Hunter Kennedy Hennie van Halen Jaco Venter

Diskografie

• Dutch Courage (EP, 2008)
• Against All Odds (EP, 2009)

Sien ook

• Lys van Suid-Afrikaanse musiekgroepe

Eksterne skakels

• Amptelike webwerf (en)
• aKING-diskografie en -lirieke (en)
• aKing op Last.fm (en)