Abram Gannibal
Abram Petrowitsj Gannibal, ook Hannibal of Ganibal of Ibrahim Hannibal of Abram Petrof, (1696 – 14 Mei[1]1781) was ’n slaaf uit Afrika wat deur Pieter die Grote na Rusland gebring is. Hy het generaal-majoor, ’n militêre ingenieur en goewerneur van Rewal geword. Hy is vandag meer bekend as die oupagrootjie van die Russiese skrywer Aleksander Poesjkin, wat ’n onvoltooide roman, Pieter die Grote se Neger, oor hom geskryf het.
| Abram Gannibal | |
|---|---|
| |
| Geboortedatum | 1696 |
| Geboorteplek | Logon, Afrika |
| Sterfdatum | 14 Mei 1781 |
| Sterfplek | Sint Petersburg, Russiese Ryk |
| Lojaliteit |  Russiese Ryk
|
| Diens/Tak | Russiese weermag |
| Jare in diens | —1733, 1740–1762 |
| Rang | Generaal-majoor |
| Veldslae/oorloë | Oorlog van die Quadruple Alliansie |
| Toekennings |  
|
| Ander werk | militêre ingenieur en goewerneur van Rewal |
Vroeë lewe wysig
Volgens een teorie het Gannibal gekom van ’n dorpie met die naam Logon in Noord-Ethiopië (toe bekend as Abissinië). Meer onlangse navorsing toon egter dat hy van Kameroen was. Nadat hy op sewejarige ouderdom eers na Konstantinopel geneem is, is hy deur Pieter die Grote na Rusland gebring. Dit was mode in dié tyd om swart kinders in die howe van Europese monarge te hê.
Gannibal is in 1705 in die St. Paraskeva-kerk in Vilnius gedoop, met tsaar Pieter as peetpa.
Opvoeding en loopbaan wysig
In 1717 is Gannibal na Parys in Frankryk om verder te studeer in die kuns, wetenskappe en oorlogvoering. Hy het ook geveg onder Lodewyk XV van Frankryk en is bevorder tot die rang van kaptein. Dit was in dié tyd dat hy die van Gannibal aangeneem het ter ere van die Kartaagse generaal Hannibal (Gannibal is die Russiese transliterasie).
Teen 1722 het hy na Rusland teruggekeer. Ná die dood van tsaar Pieter is Gannibal in 1727 na Siberië verban. Hy het in 1730 grasie gekry danksy sy kennis van die militêre ingenieurswese. Onder Pieter se dogter, Elisabeth, wat in 1741 keiserin geword het, het sy aansien gestyg en hy het gevorder tot die rang generaal-majoor. Hy het ook in 1742 goewerneur van Rewal (nou Tallinn in Estland) geword.
Familie wysig
Gannibal was twee keer getroud. Sy eerste vrou was Ewdokia Dioper, ’n Griekse vrou. Hulle het een dogter gehad. Hy het haar in die tronk laat gooi toe hy uitvind dat sy ontrou aan hom was. Hy het later met Christina Regina Siöberg getrou. Sy het van Duitse en Skandinawiese adel afgestam. Sy en Gannibal het tien kinders gehad, onder andere ’n seun Osip. Dié se dogter was Nadezjda, die ma van Poesjkin.
’n Paar lede van die Britse aristokrasie stam van Gannibal af, soos Natalia Grosvenor, die hertogin van Westminster en George Mountbatten, 4de markies van Milford Haven.[2][3]
Biografieë wysig
- Life of Ganibal deur D.S. Anuchin, 1899
- Notes on prosody: And Abram Gannibal deur Vladimir Nabokov, 1964
- Абрам Петрович Ганнибал [Abram Petrovich Gannibal] deur Georg Leets, Tallinn 1984 (sagteband)
- Abraham Hanibal – l’aïeul noir de Pouchkine deur Dieudonné Gnammankou, Parys 1996 (sagteband)
- Жизнь Ганнибала – прадеда Пушкина [Die Lewe van Gannibal, Poesjkin se Oupagrootjie] deur Natalja Konstantinowna Teletowa], Sint Petersburg 2004, (hardeband)
- The Moor of St Petersburg: In the Footsteps of a Black Russian deur Frances Somers Cocks, 2005 (sagteband)
- Gannibal: the Moor of Petersburg deur Hugh Barnes, 2005 (hardeband)
- Abraham Hannibal and the Raiders of the Sands deur Frances Somers Cocks, 2003 (sagteband) [historiese roman vir kinders]
Verwysings wysig
- Hierdie artikel is merendeels vertaal vanaf die Engelse Wikipedia-artikel en:Abram Petrovich Gannibal
- ↑ Лихауг [Lihaug], Э. Г. [E. G.]. "Предки А. С. Пушкина в Германии и Скандинавии: происхождение Христины Регины Шёберг (Ганнибал) от Клауса фон Грабо из Грабо [Voorvaders van A. S. Poesjkin in Duitsland en Skandinawië: Afstammeling van Christina Regina Siöberg (Hannibal) van Claus von Grabow zu Grabow]". Генеалогический вестник [Genealogical Herald].–Санкт-Петербург [Sint Petersburg]. 27: 31–38.
{{cite journal}}: Onbekende parameter|maand=geïgnoreer (hulp) - ↑ Abraham Petrovich Hanibal's descendants at Genealogics.org
- ↑ Aleksander Sergeevich Pushkin's descendants at Genealogics.org