Aleksander Kerenski
Aleksander Fjodorowitsj Kerenski (Russies: Алекса́ндр Фёдорович Ке́ренский, 4 Mei [O.S. 22 April] 1881 - 11 Junie 1970) was 'n Russiese regsgeleerde en rewolusionêr wat 'n politieke sleutelfiguur was in die Russiese Rewolusie van 1917.
Ná die Februarie-rewolusie het hy by die nuutgestigte Russiese Voorlopige Regering aangesluit – eers as minister van justisie, daarna as minister van oorlog en eindelik as voorsitter van die regering en eerste minister van Rusland. Hy was 'n leier van die gematigde faksie van die Sosialisties-Rewolusionêre Party en ondervoorsitter van die magtige Petrograd-sowjet.
Op 7 November 1917 is sy regering in die Oktober-rewolusie oorgeneem deur die Bolsjewiste onder Wladimir Lenin. Hy het gevlug en die res van sy lewe in Parys en New York in bannelingskap deurgebring.[1] Hy is in 1970 in New York oorlede.[2] Hy was een van die laaste oorlewendes onder die belangrike deelnemers aan die gebeure van 1917.
Verwysings wysig
- ↑ "Lateline – 22/09/2003: The Half-Hearted Revolutionary In Paradise . Australian Broadcasting Corp". www.abc.net.au. Geargiveer vanaf die oorspronklike op 31 Julie 2016. Besoek op 20 Maart 2017.
- ↑ "Alexander Kerensky Dies Here at 89". New York Times.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
