Alinta
Alinta is 'n Australiese maatskappy wat betrokke is by energie infrastruktuur. Dit het gegroei van 'n klein, Wes-Australies gebaseerde gasverspreider en -handelaar tot die grootste energie infrastruktuur maatskappy in Australië. Die maatskappy is bekend vir sy aggressiewe benadering tot groei deur oornames en finansiële manipulasie. Die maatskappy word besit deur 'n konsortium wat Singapore Power en verskeie Babcock & Brown fondse insluit.[2]
| Alinta Limited | |
| Tipe | |
|---|---|
| Gestig | Januarie 1950 (as AlintaGas Ltd) |
| Hoofkantoor | Perth, Wes-Australië, Australië |
| Sleutelpersone | Leonard Gill (hoof uitvoerende beampte) Jeff Dimery (voorsitter van die Raad) |
| Gebied bedien | Wêreldwyd |
| Industrie | Energie |
| Produkte | Olie, gas en elektrisiteit |
| Inkomste | A$1,84 miljard[1] (2010) |
| Netto inkomste | A$-0,58 miljard[1] (2010) |
| Werknemers | ~4 200 |
Geskiedenis wysig
Die woord Alinta is afgelei vanaf die woord vir vuur in 'n tradisionele taal van 'n inboorlingstam uit Victoria.
Die maatskappy is aanvanklik in Januarie 1995 gestig as AlintaGas toe die vertikale monopolistiese energieverskaffer, die staatsbeheerde State Energy Commission of Western Australia opgebreek is in verskillende gas- en elektrisiteitsverskaffers. Op 13 Julie 2000 is wetgewing deurgevoer deur die regering van Wes-Australië wat die verkoop van AlintaGas en die daaropvolgende notering op die Australiese beurs op 17 Oktober 2000 moontlik gemaak het.
Op 8 Mei 2003 het AlintaGas Ltd hul sy naam amptelik na Alinta Limited verander.
Op 23 Julie 2003 het Alinta deur middel van 'n ingewikkelde reeks transaksies wat Alinta, Aquila Inc, United Energy en AMP Henderson Global ingesluit het; deels eienaar en bestuurder geword van verskeie gereguleerde energiebates in Wes-Australië en Victoria. Deur hierdie transaksie het die maatskappy ook beheer oor National Power Services verkry.
in April 2004 het Alinta Duke Energy International se bates in Australië en Nieu-Seeland oorgekoop. In Oktober 2004 het 'n konsortium bestaande uit DUET, Alinta en Alcoa die Dampier na Bunbury Aardgaspyplyn by Epic Energy gekoop. Alinta Network Services is aangestel om die pyplyn te bedryf en te bestuur onder 'n bedryfsdiens ooreenkoms.
Op 4 Oktober 2005 het Alinta die bates wat die pyplyne en kragstasies wat dit vanaf Duke Energy gekry het ingesluit het as 'n afsonderlike maatskappy by name Alinta Infrastructure Holdings (AIH) genoteer. In Oktober 2006 het Alinta deur Alinta IH Pty Ltd 'n aanbod gedoen om 80% van die aandeelhouding wat dit nie reeds besit het nie by AIH oor te koop. Teen 11 Januarie 2007 het Alinta 91,4% van die maatskappy aangekoop wat dit in staat gestel het om die verpligte aankoop van die oorblywende aandele te doen.[3]
Alinta het infrastruktuur bates en die Agility besigheid by AGL oorgekoop deur 'n kombinasie van 'n samesmeltings- en opbreektransaksie op 25 Oktober 2006.[4]
Verwysings wysig
- ↑ 1,0 1,1 (en) Alinta Energy Group Annual Report 2010 (PDF). Geargiveer vanaf die oorspronklike (PDF) op 25 Januarie 2011. Besoek op 14 April 2014.
- ↑ Australiese beurs (2007-08-31). "Alinta Scheme Implemented". Persberig. Archived from the original on 2007-09-07. https://web.archive.org/web/20070907064620/http://www.asx.com.au/asx/statistics/showAnnouncementPDF.do?idsID=00755054. Besoek op 2007-09-05.
- ↑ Alinta Limited (18 Januarie 2007). "AAN Compulsory Acq. Notice for remaining AIH Securities" (in Engels). Australiese aandelebeurs. Geargiveer vanaf die oorspronklike (PDF) op 26 September 2007. Besoek op 31 Januarie 2007.
- ↑ "Alinta Ltd merger with the Australian Gas Light Company (AGL) - October 2006" (in Engels). Australiese Belastingkantoor. 18 Januarie 2007. Geargiveer vanaf die oorspronklike op 27 September 2007. Besoek op 31 Januarie 2007.