Anajo (IFA: [aˈnaːjo]) is 'n popgroep vanuit Augsburg in die vrystaat Beiere, Duitsland. Die lede is Oliver Gottwald op kitaar en stem, Michael Schmidt op baskitaar en Ingolf Nössner op die trommestel. Die groepsnaam het toevallig aan hulle gekom: die groep het 'n Italiaans-Duitse rolprent Banana Joe gekyk, maar aangesien die televisie stukkend was, was ana Jo die enigste leesbare gedeelte van die titel.

Anajo
OorsprongAugsburg, Beiere (Duitsland)
GenresPop
InstrumenteKitaar, baskitaar, stem, trommestel
Jare aktief1999 tot hede
EtiketteTapete, Indigo
Webwerfwww.anajo.de
LedeOliver Gottwald
Michael Schmidt
Ingolf Nössner

In 2004 het die groep hul debuutalbum Nah Bei Mir (Afrikaans: Naby my) op die Duitse plateëtiket Tapete Records vrygestel. Voordat hulle 'n platekontrak met Tapete onderteken het, het hulle 'n enkelspeler, "Ich Hol' Dich Hier Raus" (Afrikaans: Ek haal jou hieruit), vrygestel wat op die klingel van 'n Duitse televisieprogram, Ein Fall für Zwei, gebaseer was.

Die groep se tweede ateljeealbum, Hallo, wer kennt hier eigentlich wen? (Afrikaans: Hallo, wie ken hier eintlik wie?), is op 9 Februarie 2007 deur Tapete Records vrygestel. In aanloop tot die vrystelling het hulle 'n EP, Spätsommersonne (Afrikaans: Laatsomerson) vrygestel wat drie nuwe bane en twee regstreekse opnames bevat het. Die eerste enkelsnit van die nuwe album was "Wenn Du Nur Wüsstest" (Afrikaans: As jy net geweet het) wat saam met die sangeres Suzie Kerstgens van die Duitse groep Klee opgeneem is.

Die snit "Wenn Du Nur Wüsstest" is vir die Bundesvision-kompetisie ingeskryf om die staat Beiere te verteenwoordig, waar dit in die negende plek geëindig het.

Van Februarie 2007 tot Mei 2007 het Anajo 'n musiektoer met hul nuwe album deur Duits-Europa onderneem. Hulle het op vyftig konserte in Duitsland, Oostenryk en Switserland opgetree.

Op die 20ste September 2007 is Anajo deur die Beierse regering die Bayrische Musiklöwe-toekenning (Afrikaans: Beierse Musiekleeu) toegeken in die kategorie vir beste Beierse indiegenre groep.

Diskografie wysig

Albums wysig

  • Nah bei mir (Oktober 2004, Tapete Records/Indigo)
  • Hallo, wer kennt hier eigentlich wen? (Februarie 2007, Tapete Records/Indigo)
  • Anajo und das Poporchester (November 2009, Tapete Records/Indigo)
  • Drei (Februarie 2011, Tapete Records/Indigo)

Enkelspelers/EP's wysig

  • Ich hol Dich hier raus (Mei 2004, CD-enkelspeler, Tapete/Indigo)
  • Monika Tanzband (April 2005, CD-enkelspeler, Tapete/Indigo)
  • Spätsommersonne (September 2006, EP, Tapete Records)
  • Wenn du nur wüsstest (Januarie 2007, CD-enkelspeler, Tapete/Indigo)
  • Hotelboy (Desember 2007, CD-enkelspeler, Tapete/Indigo)

Ander wysig

  • Pop und die Welt (1999, Demo)
  • Geboren für die Stadt (2000, Demo)
  • Tanz Tanz Band (2002, Demo)
  • Vorhang auf (2003, Demo)

Eksterne skakels wysig