Belgiese Rugbyfederasie
Die Belgiese Rugbyfederasie (Duits: Belgischer Rugby-Verband; Frans: Fédération Belge de Rugby, “FBRB”; Nederlands: Belgische Rugby Bond) is die bestuursliggaam wat rugby en sewesrugby in België beheer. Die beheerliggaam is in 1931 gestig en by die Nelson Mandela-stadion in Brussel gesetel. Sedert 1998 verteenwoordig dit België by Wêreldrugby en sedert 1934 ook by Rugby Europa (“RE”).
| Belgiese Rugbyfederasie | |
|---|---|
 Kenteken van die Belgiese Rugbyfederasie
| |
| Franse naam | Fédération Belge de Rugby |
| Afkorting | FBRB |
| Duitse naam | Belgischer Rugby-Verband |
| Nederlandse naam | Belgische Rugby Bond |
| Land |  België
|
| Sportsoorte | Rugby, Sewesrugby |
| Stigting | 1931 |
| Lid van | Wêreldrugby |
| Aangesluit in | 1998 |
| Vastelandse beheerliggaam | Rugby Europa |
| President | Michael Coric |
| Setel | Nelson Mandela-stadion, Brussel, België |
| Amptelike tale | Duits, Frans, Nederlands |
| Amptelike webwerf | rugby.be |
Geskiedenis wysig
Die Belgiese Rugbyfederasie is in 1931 gestig en het in 1998 by die Internasionale Rugbyraad (IRR, nou Wêreldrugby) aangesluit.[1] Daarbenewens was die FBRB in 1934 ’n stigtingslid van die kontinentale beheerliggaam Fédération Internationale de Rugby Amateur (FIRA; nou Rugby Europa).[2]
Taak wysig
Die Belgiese Rugbyfederasie organiseer verskeie nasionale spanne, insluitend België se nasionale seniorrugbyspan vir mans (die Swart duiwels), vroue en jeug. Die FBRB hou ook toesig oor sewesrugby in België en aangesien dit ’n Olimpiese sportsoort is, werk hulle met die Belgiese Nasionale Olimpiese Komitee saam. Naas die amptelike nasionale span roep die FBRB ook ander keurspanne byeen. Daarbenewens bestuur die beheerliggaam kinder- en jeugrugby in België. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik België oor ’n o/20-nasionale span wat aan die Europese en Wêreldrugby o/20-kampioenskap deelneem.[3]
Die beheerliggaam reël ook die plaaslike kompetisies. Die hoogste rugbyliga in die land is die Eerste Divisie, waaraan agt spanne deelneem. Die meeste spelers van die Belgiese nasionale span is uit dié liga afkomstig. Van die ander spelers is veral in Frankryk aktief. In België self speel aktiewe spelers van die nasionale span meestal vir die professionele klubspan Brussels Devils wat sedert 2021 aan die Rugby Europa Superbeker deelneem.
Kenteken wysig
Die Belgiese Rugbyfederasie se kenteken toon ’n leeu met doelpale op die agtergrond voor ’n rugbybal in die nasionale kleure swart-geel-rooi met die afkorting FBRB daaronder.
Verwysings wysig
- ↑ (en) "Belgium". Wêreldrugby. Besoek op 28 Maart 2024.
- ↑ (en) "About us". Rugby Europa. 2020. Besoek op 28 Maart 2024.
- ↑ (en) "World Rugby U20 Championship". Wêreldrugby. Besoek op 28 Maart 2024.
Eksterne skakels wysig
- (de) (en) (fr) (nl) Amptelike webwerf