Berlyn-Brandenburg Internasionale Lughawe
Die Berlyn-Brandenburg Internasionale Lughawe (IATA-kode: BER, ICAO EDDB) (Duits: Flughafen Berlin Brandenburg – Willy Brandt,[3] kort BER) is 'n nuwe internasionale lughawe net suid van die Duitse hoofstad Berlyn in Schönefeld (deelstaat Brandenburg, distrik Dahme-Spreewald) wat op 31 Oktober 2020 geopen is.
| Berlyn-Brandenburg Internasionale Lughawe Flughafen Berlin Brandenburg | |||
|---|---|---|---|
| |||
| |||
| IATA: BER – ICAO: EDDB | |||
| Opsomming | |||
| Tipe lughawe | Siviel | ||
| Operateur | Flughafen Berlin Brandenburg GmbH | ||
| Bedien | Berlyn, Duitsland | ||
| Ligging | Schönefeld | ||
| Geopen | 31 Oktober 2020[1][2] | ||
| Spil vir | Berlyn | ||
| Fokuspunt vir | easyJet Eurowings Ryanair | ||
| Hoogte bo seevlak | 157 vt / 48 m | ||
| Koördinate | 52°21′44″N 13°30′02″O / 52.36222°N 13.50056°OKoördinate: 52°21′44″N 13°30′02″O / 52.36222°N 13.50056°O | ||
| Webtuiste | |||
| Landkaart | |||
  BER | |||
| Aanloopbane | |||
| Rigting | Lengte | Oppervlak | |
| m | vt | ||
| 07L/25R | 3 600 | 11 811 | Teer |
| 07R/25L | 4 000 | 13 123 | Beton |
| Statistieke | |||
| Passasiers (2021) | 9 934 121 | ||
Die nuwe lughawe het met sy voltooiing die voormalige twee Berlynse lughawens Berlyn-Tegel (op 8 November 2020 gesluit)[4] en Berlyn-Tempelhof (op 30 Oktober 2008 gesluit)[5] vervang[6][7] en is feitlik 'n suidelike uitbreiding van die bestaande geriewe by Berlyn-Schönefeld, alhoewel net die huidige suidelike baan van Schönefeld by die nuwe projek ingesluit is. Die nuwe lughawe, wat deur die Flughafen Berlin Brandenburg GmbH (FBB) bedryf word, was een van die grootste infrastruktuurprojekte in Duitsland wat in die vroeë 21ste eeu aangepak is en die grootste lughawebouterrein in Europa.[8]
Geskiedenis wysig
Planne vir 'n nuwe Berlynse Lughawe wysig
Na Duitse hereniging in 1990, het Berlyn weer die Duitse federale hoofstad geword; leiers het planne gemaak om die stad se toenemende belangrikheid te erken deur 'n groot kommersiële lughawe te bou. Die bestaande lughawens, Tegel-lughawe, Schönefeld-lughawe en Tempelhof-lughawe, was besig om verouderd en al hoe meer oorlaai te raak weens stygende passasiersgetalle. Om die ekonomiese lewensvatbaarheid van die projek te verseker, het hulle 'n enkellughawekonsep nagestreef, wat beteken dat die nuwe lughawe die enigste kommersiële lughawe vir Berlyn en Brandenburg sou word. Hulle het beplan om Tegel, Schönefeld en Tempelhof te sluit met die opening van die nuwe lughawe, en dan kommersiële lugvaart vanaf enige ander lughawe in Brandenburg te verbied.
Op 2 Mei 1991 is die Berlin Brandenburg Flughafen Holding GmbH (BBF) gestig, wat besit word deur die state Berlyn en Brandenburg (37 persent elk) en die Federale Republiek van Duitsland (die oorblywende 26 persent). Eberhard Diepgen, burgemeester van Berlyn, het die eerste voorsitter van die toesighoudende raad geword.
Op 28 Mei 1996 het burgemeester Diepgen, Minister-President van Brandenburg Manfred Stolpe en Federale Minister van Vervoer Matthias Wissmann hul verbind tot Schönefeld as die terrein vir die nuwe lughawe. Hierdie sogenaamde konsensusbesluit is later deur die onderskeie staatswetgewers bevestig.[9] Die nuwe lughawe sal sekere infrastruktuur, soos 'n aanloopbaan, vanaf die huidige Schönefeld-lughawe gebruik.
Openbare eienaarskap en konstruksiepermit wysig
Die nuwe Berlynse lughawe sou deur BBF Holding beplan, besit en bedryf word. Kort daarna het BBF Holding Flughafen Berlin Brandenburg GmbH (FBB) geword en het onder die eienaarskap van Berlyn, Brandenburg en die federale regering gebly. Op 13 Augustus 2004 het die Brandenburgse staatsministerie vir infrastruktuur en streekbeleid goedkeuring verleen vir die ontwikkeling van die Schönefeld-lughawe in die nuwe Berlynse Brandenburg Internasionale Lughawe.[10]
Regstryd wysig
'n Regstryd het ontstaan, aangesien plaaslike inwoners regsgedinge teen die ministerie se besluit aanhangig gemaak het. Die dispuut is op 16 Maart 2006 besleg, toe die Federale Administratiewe Hof van Duitsland die inwoners se argumente verwerp het. Die hof het egter bepalings opgelê oor beperkings op die vlugbedrywighede by die nuwe lughawe.[11] Die konstruksiepermit is slegs toegestaan onder die voorwaarde dat sodra dit in werking is, die aantal inwoners wat op die naderingspad woon, laer sou wees in vergelyking met die situasie rondom die drie bestaande lughawens – Tegel, Schönefeld en Tempelhof.[12] Om hierdie rede was dit verpligtend vir Tegel en Schönefeld om te sluit (Tempelhof is reeds in 2008 uit diens gestel) sodra Berlyn se lugverkeer by die nuwe lughawe gekonsentreer is.[13]
Vertraging in voltooiing wysig
Na 'n paar jaar van vertragings is die openingsdatum bepaal as laat Junie 2012, maar weens tegniese probleme en ontwerpfoute kon dit nie gehaal word nie.[14] In Augustus 2013 het die raad van die lughawe 'n gedeeltelike opening in die lente 2014 beplan. Teen Oktober 2013 moes 'n nuwe skedule vir die totale voltooiing in plek wees, maar in Januarie 2014 is aangekondig dat 'n opening gedurende 2014 onmoontlik blyk te wees.[15] Die lughawe is op 31 Oktober 2020 geopen.[1]
Verwysings wysig
- ↑ 1,0 1,1 (de) "BER: Luftfahrtbehörde erlaubt Inbetriebnahme am 31. Oktober". Berliner Kurier. 1 Oktober 2020. Besoek op 1 November 2020.
- ↑ "BER soll am 31. Oktober 2020 öffnen". airliners.de (in Duits). 29 November 2019.
- ↑ (de) focus.de: Berlin: Neuer Großflughafen wird nach Ex-Kanzler Willy Brandt benannt
- ↑ (de) berlin.de: Verkehrsflughafen Berlin-Tegel: Befreiung von der Betriebspflicht
- ↑ (de) tagesspiegel.de: Abschied von Tempelhof – Ende der Legende
- ↑ (de) Planfeststellungsbeschluss zum BBI des Brandenburgischen Ministeriums für Infrastruktur und Raumordnung, S. 327f., S. 335 Geargiveer 26 Maart 2009 op Wayback Machine
- ↑ (de) Urteil des Bundesverwaltungsgerichts BVerwG 4 A 1073.04, Absatz 193, S. 86 Geargiveer 26 Maart 2009 op Wayback Machine
- ↑ (de) tagesspiegel.de: Flughafen Schönefeld: Klaus Wowereit: Auch der neue BBI-Termin ist ehrgeizig
- ↑ "Konsensbeschluss zur Tempelhof-Schließung" [Consensus decision for the closure of Tempelhof]. Der Tagesspiegel (in Duits). 18 Junie 2007.
- ↑ "Planfeststellungsbeschluss des Landes Brandenburg für den Ausbau des Flughafens Berlin-Brandenburg International" [Resolution for the spatial planning of BBI by the state of Brandenburg] (in Duits). Potsdam: Government of Brandenburg. 13 Augustus 2004. Geargiveer vanaf die oorspronklike op 27 April 2009. Besoek op 22 Julie 2010.
- ↑ "Can a New Airport Make this City Soar?". Der Spiegel. 16 Maart 2006.
- ↑ "Planfeststellungsbeschluss zum BBI des Brandenburgischen Ministeriums für Infrastruktur und Raumordnung" [Resolution of spatial planning for BBI] (PDF) (in Duits). Brandenburg Ministry for Infrastructure and Spatial Planning. 13 Augustus 2004. pp. 327–328, 355. Geargiveer vanaf die oorspronklike (PDF) op 26 Maart 2009.
- ↑ "Urteil des Bundesverwaltungsgerichts BVerwG 4 A 1073.04" [Ruling by the Federal Administrative Court of Germany, paragraph 193] (PDF) (in Duits). Leipzig. 16 Maart 2006. p. 86.
- ↑ (de) "Sicherheit hat Priorität: Technische Probleme bei der Brandschutztechnik machen Verschiebung des Eröffnungstermins für den BER unumgänglich". berlin-airport.de. Flughafen Berlin Brandenburg GmbH. 8 Mei 2012. Besoek op 13 Desember 2012.
- ↑ (de) Wowereit: BER wird auch in diesem Jahr nicht öffnen URL besoek op 7 Januarie 2014-
Eksterne skakels wysig
Wikimedia Commons het meer media in die kategorie Berlyn-Brandenburg Internasionale Lughawe.- (de) Amptelike webwerf Geargiveer 30 April 2012 op Wayback Machine – Berliner Flughäfen
- (de) Omgewingsontwikkeling van die Berlyn-Brandenburg Internasionale Lughawe Geargiveer 15 Januarie 2012 op Wayback Machine
- (de) Nuus vanaf die Berlyn-Brandenburg Internasionale Lughawe Geargiveer 14 November 2012 op Wayback Machine – Rundfunk Berlin-Brandenburg
