Bespreking:IP-adres

IPv4 verbeterings

Ek het IPv4 by die eerste voorbeeld verwyder bloot omdat die artikel nog nie verduidelik het wat IPv4 is nie. Die voorbeeld bly 'n geldige voorbeeld en dit word kort daarna met ekstra voorbeelde verduidelik hoe v4 en v6 verskil. IPv4 is waarskynlik op die oomblik nog ver dominant dat dit vir meeste doeleindes as universeel geag kan word (alhoewel die artikel natuurlik die voller prentjie moet skets). --Alias 11:22, 7 Maart 2007 (UTC)

IPv4

@Rooiratel:, is IPv4 besig om uit te sterf? Ek vra maar net... Groete! Oesjaar (kontak) 07:32, 23 Januarie 2024 (UTC)

Ja, maar baie stadig. In Suid-Afrika is omtrent net 2-4% van netwerk-verkeer IPv6, die res is IPv4. Wêreldwyd is IPv6 tussen 40% en 60% van die netwerk-verkeer. (Dit groei omtrent 5% per jaar) Dit hang af land tot land. In lande soos die VSA en Indië het hulle baie IPv6 verkeer omdat baie van die groot selfoon netwerke nie meer genoeg IPv4 adresse het nie. Dit is baie moeilik om heeltemal oor te skakel. Elke toestel (selfoon, rekenaar, bediener, netwerk router, middelboks, ens.) moet dit ondersteun, en al die sagteware wat op daai toestelle moet dit ondersteun. Meeste dinge deesdae ondersteun dit, maar as daar net een ding in die ketting dit nie kan hanteer nie, dan werk dit nie. Byvoorbeeld, alles in my huis (hardeware en sagteware) kan IPv6 doen, my ISP ondersteun dit ook, en meeste van die webwerwe wat ek besoek ondersteun dit ook. Maar Vumatel, (wat my ISP gebruik om my aan die internet te koppel) ondersteun dit nie op die oomblik nie. So dan moet ek maar IPv4 gebruik.

Dit sal maar stadig maar seker oorneem, en die meeste mense sal nie eers besef dat dit verander het nie. Ons sal seker in die 2030's by 95% IPv6 wees, en dan sal daai laaste 5% rond hang vir nog 30 jaar. - 196.10.113.30 09:09, 23 Januarie 2024 (UTC)