Blenniidae

Die Blennies (Blenniidae) is 'n vis-familie wat hoort tot die orde Perciformes. Daar is ongeveer drie en vyftig genera met meer as 350 spesies wat hoort tot dié familie en vyf en veertig van die spesies kom aan die Suid-Afrikaanse kus voor.

Blenniidae
Meiacanthus atrodorsalis
Blennius ocellaris
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Blennioidei
Familie:	Blenniidae
Genera
Sien teks.

Kenmerke

Die familie is klein met lang, dunnerige lywe. Daar is geen skubbe op die lyf nie. Die dorsale vin is lank en bedek feitlik die hele rug. Die bekkenvin is elementêr met slegs een stekel en slegs vir strale. Die grootte wissel van 3 – 60 cm.

Habitat

Die Blennies is alleenswemmers wat gewoonlik op die bodem in die skadu kant van riwwe op hul bekken vinne rus. Hulle kom ook voor in getypoele.

Genera

Die volgende genera en spesies kom aan die Suid-Afrikaanse kus voor:

• Antennablennius

• Antennablennius bifilum - Horing-klipspringer

• Aspidontus

• Aspidontus dussumieri - Dryf-blennie
• Aspidontus tractus - Nabootser-blennie

• Cirripectes

• Cirripectes auritus - Swartflap-blennie
• Cirripectes castaneus
• Cirripectes gilberti
• Cirripectes stigmaticus - Rooistreep-blennie

• Ecsenius

• Ecsenius midas - Goue blennie
• Ecsenius nalolo - Nalolo

• Entomacrodus

• Entomacrodus striatus - Pêrel-klipspringer

• Exallias

• Exallias brevis - Luiperd-klipspringer

• Istiblennius

• Istiblennius dussumieri - Streepkol-klipspringer
• Istiblennius edentulus - Gerimpelde klipspringer

• Omobranchus

• Omobranchus banditus - Bandiet-blennie

• Parablennius

• Parablennius pilicornis - Ringhals-blennie

• Plagiotremus

• Plagiotremus rhinorhynchos - Tweestreep-blennie
• Plagiotremus tapeinosoma - Klavier-blennie

• Scartella

• Scartella emarginata - Kuifkopblennie

• Xiphasia

• Xiphasia matsubarai
• Xiphasia setifer - Slangblennie

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7