Bosnagaap
Die bosnagaap (Otolemur crassicaudatus) is een van drie spesies en die grootse van die nagape. Die soogdier kom in die oostelike dele van Suid-Afrika, Zimbabwe en die hele Mosambiek voor.
| Bosnagaap | |
|---|---|
_(17322782575).jpg)
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | |
| Infraorde: | |
| Familie: | |
| Genus: | |
| Spesie: | O. crassicaudatus
|
| Binomiale naam | |
| Otolemur crassicaudatus É Geoffroy, 1812
| |
| |
| Verspreiding van die bosnagaap | |
Kenmerke wysig
Die bosnagaap het kenmerkende groot oë met groot kaal, beweeglike ore. Sy pels is dikker en meer wollerig as dié van die nagapie. Die mannetjies is effens groter as die wyfies. Sy agterbene is geweldig lank en gespierd om ver tussen bome te kan spring terwyl die voorbene daarinteen amper onderontwikkeld lyk. Die mannetjie weeg tot 1.2 kg terwyl die wyfie tot 1.13 kg weeg.
Habitat en gewoontes wysig
Die bosnagaap verkies woude, berg- en kusbos en ruie boomveld in hoë-reënvalstreke. In droër dele verkies hulle rivierbos. Die bosnagape is ook groeplewende nagdiere en kom lank na sononder te voorskyn. Bedags sit familiegroepe hoog in bome en slaap, maar snags wei elkeen op sy eie. Hulle was hulle pote gereeld met urine om hulle greep aan boomtakke te verbeter. Hulle lewensduur is onbekend.
Hulle eet gom, vrugte, insekte en soms ook reptiele en voëls terwyl hulle natuurlike vyande die luiperd en reuse-ooruil is. Twee kleintjies word in Augustus tot September gebore na 'n dragtyd van 4 maande.
Galery wysig
-
Twee by drinkbak -
In uMkhuzewildtuin -
In Letaba, Krugerwildtuin
_coming_to_drink_..._(31584996990).jpg)
_(31897068715).jpg)
_(17296782866).jpg)
Sien ook wysig
Verwysings wysig
- ↑ Bearder, S. (2008). Otolemur crassicaudatus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 1 Januarie 2009.
- Die Soogdiergids van Suider-Afrika. Burger Cillié. 2009. ISBN 978-1-875093-46-5