Buyelekhaya Dalindyebo

Buyelekhaya Zwelinbanzi Dalindyebo a Sabata (gebore 1964; r. sedert Mei 1989) is die koning van die abaThembu in Suid-Afrika. Sy lofnaam is Zwelibanzi.[1][2] Hy is die seun van die vorige koning, Sabata Jonguhlanga Dalindyebo, 'n afstammeling van die amaHala-dinastie, en tans die regeerder van die bakaDalindyebo-bloedlyn.

In Mei 2005 is hy aangekla van bedrog, moord, poging tot moord, ontvoering en brandstigting by die Mthatha Hooggeregshof, en is tans besig om teen 'n 15-jaar vonnis te appelleer. Die aanklagte is aanhangig gemaak nadat hy tussen 1995 en 1996 geweld teen sy onderdane in 'n klein dorpie naby Mthatha gebruik het. In Desember 2009 het Buyelekhaya gedreig om van Suid-Afrika af te skei, en twee-derdes van die land se grondgebied met hom te neem. Die afskeidingstender het blykbaar gekom nadat pres. Jacob Zuma geweier het om by die koning se geskille in te gryp.[3] Die afskeiding is later opgeskort, maar hy eis R 900 miljoen van die regering en 'n verdere R 80 miljard vir sy stam vir die vernedering wat die kriminele verhoor veroorsaak het.[4]

Verwysings wysig

  1. "South African traditional states". Worldstatesmen.org (in Zoeloe). Cahoon, Ben. Geargiveer vanaf die oorspronklike op 8 Augustus 2019. Besoek op 26 Augustus 2010.
  2. Soszynski, Henry. "abaThembu". Genealogical Gleanings. University of Queensland. Besoek op 28 Augustus 2010.
  3. Staff writers (6 Januarie 2010). "Row over South Africa Xhosa king's secession bid". BBC News (in Engels). Pretoria: British Broadcasting Corporation. Geargiveer vanaf die oorspronklike op 3 Oktober 2018. Besoek op 29 Augustus 2010.
  4. Tribe suspends secession plans Geargiveer 10 September 2012 op Wayback Machine News24