Catalogue of Galaxies and of Clusters of Galaxies

Die Catalogue of Galaxies and of Clusters of Galaxies, ook kortweg die Zwicky-katalogus genoem, is ’n katalogus wat deur die Switserse sterrekundige Fritz Zwicky en kollegas saamgestel is van sterrestelsels en sterrestelselswerms. Die afkorting "CGCG" en "ZWG" word in die katalogus vir die voorwerpe gebruik.

Tussen 1961 en 1968 het Zwicky ses volumes van die katalogus by die Kaliforniese Instituut vir Tegnologie gepubliseer. Dit is gebaseer op foto's van die lugruim en bevat sowat 30 000 sterrestelsels en sowat 10 000 swerms. Die doel was om alle sterrestelses helderder as 15,5 mag noord van 30° suidelike breedtegraad te lys, asook alle helder, sterrestelselryke swerms in dié gebied. Die posisies en helderheid van die sterrestelsels word aangegee en die swerms word geklassifiseer volgens soort. Die ledetal, posisie, grootte en geskatte afstand word ook aangegee.

Bronne wysig

  • Herzog, E., Wild, P., Zwicky, F.: A New Catalogue of Bright Galaxies and Clusters of Galaxies. In: Publications of the Astronomical Society of the Pacific. 69. 1957, 409.
  • Zwicky F. et al.: Catalogue of galaxies and of clusters of galaxies. California Institute of Technology, 1961–1968, 6 volumes

Eksterne skakels wysig