Claus-proses

Die Claus-proses is die noemenswaardigste proses wat tans aangewend word vir ontswaweling van gasse, om 'n elementêre swawelproduk te lewer vanuit die waterstofsulfied-komponent van die gas. Die proses is meer as 100 jaar gelede ontwikkel en is vandag die standaardproses in die chemiese nywerheid.

Die veelstappige Claus-proses herwin swawel vanuit die waterstofsulfied wat in rou aardgas aangetref word, asook uit die byprodukgas wat waterstofsulfied bevat en vrygestel word tydens die raffinering van ru-olie of ander nywerheidsprosesse. Die byprodukgasse (Selexol, Rectisol, Purisol en Amienwassers) word hoofsaaklik vanuit fisiese en chemiese behandelingseenhede vrygestel soos raffinaderye, Aardgas-verwerkingseenhede en vergassings- of sintetiserende gasaanlegte. Hierdie byprodukgasse kan ook waterstofsianied, koolwaterstowwe, swaweldioksied of ammoniak bevat.

Gasse met 'n H₂S van meer as 25% is geskik vir die herwinning van swawel in 'n eenstappige Claus-proses terwyl alternatiewe konfigurasies aangewend kan word vir gasvoere met 'n laer H₂S-inhoud.