College Park-lughawe
College Park-lughawe (IATA: CGS, ICAO: KCGS, FAA LID: CGS) is 'n openbare lughawe geleë in die City of College Park, in Prince George's County, Maryland, Verenigde State. Dit is die wêreld se oudste lughawe wat deurlopend bedryf word.[1] Die lughawe is suid van Paint Branch en Lake Artemesia geleë, oos van US Route 1 en die College Park Metro / MARC-stasie en wes van Kenilworthlaan.
| College Park-lughawe | |||
|---|---|---|---|
| |||
| IATA: CGS – ICAO: KCGS – FAA: CGS | |||
| Opsomming | |||
| Tipe lughawe | Openbaar | ||
| Operateur | Maryland-National Capital Park & Planning Commission | ||
| Ligging | College Park, Maryland | ||
| Geopen | 1909 | ||
| Hoogte bo seevlak | 48 vt / 15 m | ||
| Koördinate | 38°58′50.1″N 76°55′20.3″W / 38.980583°N 76.922306°WKoördinate: 38°58′50.1″N 76°55′20.3″W / 38.980583°N 76.922306°W | ||
| Webtuiste | |||
| Landkaart | |||
  CGS | |||
| Aanloopbane | |||
| Rigting | Lengte | Oppervlak | |
| vt | m | ||
| 15/33 | 2 607 | 795 | Asfalt |
Geskiedenis wysig
College Park-lughawe is in Augustus 1909 deur die United States Army Signal Corps gestig om as opleidingsplek vir Wilbur Wright te dien om twee militêre offisiere opdrag te gee om in die regering se eerste vliegtuig te vlieg. Die eerste vliegtuig, 'n Wright Tipe A-tweedekker is op 25 Augustus gehuur en op 7 Oktober uit kratte gehaal en hier aanmekaar gesit. Burgerlike vliegtuie het so vroeg as Desember 1911 vanaf College Park-lughawe begin vlieg, wat dit die wêreld se oudste lughawe wat voortdurend bedryf word.[2] In 1977 is die lughawe by die Nasionale Register van Historiese Plekke gevoeg.
College Park-lughawe is die tuiste van baie "eerstes" in lugvaart, en is veral belangrik vir die bekende vlieëniers en lugvaartuitvinders wat 'n rol gespeel het in hierdie veld se lang geskiedenis. In 1909 het Wilbur Wright vir luitenante Frederic Humphreys en Frank Lahm onderrig. Humphreys het die eerste militêre vlieënier geword wat solo in 'n regeringsvliegtuig was. Dieselfde jaar op 27 Oktober het mev. Ralph Henry Van Deman is deur Wilbur Wright gevlieg om die eerste vrou te word wat in 'n aangedrewe vliegtuig in die Verenigde State gevlieg het.[3]
Die Christmas Airplane Company van Washington, D.C., het sy eerste vliegtuig, die "Red Bird II" by College Park-lughawe gebou met 'n vlug op 15 Oktober 1911. Die "Red Bird III" is in die lente van 1912 gebou, met 'n kontrak van die US Postal Service om lugpos af te lewer.[4]
Fasiliteite wysig
College Park-lughawe beslaan 70 acres (28 ha) en het een aanloopbaan:
- Aanloopbaan 15/33: 795 m × 18 m
- Oppervlak: Asfalt
Die pad na die lughawe is genoem ter ere van korporaal Frank S. Scott, wat die eerste Amerikaanse aangewese man was wat in 'n militêre vliegtuig gesterf het, 'n ongeluk wat by hierdie vliegveld plaasgevind het.
College Park Lugvaartmuseum wysig
Die College Park Lugvaartmuseum het die eerste keer in 1981 vir die publiek geopen en huisves antieke en reproduksievliegtuie wat verband hou met die geskiedenis van College Park-lughawe. Die huidige museumgebou het op 12 September 1998 geopen Dit sluit 'n ouditorium met 90 sitplekke, 'n afspraak-alleen-biblioteek, geskenkwinkel, museumkantore en 'n replika van die oorspronklike 1909 College Park-lughawe-loods in, benewens 'n hoofloods met vliegtuie en uitstallings wat uitgestal word.[5] Artefakte en praktiese aktiwiteite beklemtoon die vlieëniers, vliegtuigbouers en vliegtuie wat op die lughawe gewerk het.
Verwysings wysig
- ↑ Grier, Peter (2009). "The College Park Century". AIR FORCE Magazine. 92 (September): 86. Besoek op 18 September 2009.
- ↑ Aviation: From Sand Dunes to Sonic Booms (29 Augustus 2017). "College Park Airport (U.S. National Park Service)". National Park Service (in Engels). Besoek op 17 Julie 2020.
- ↑ Nick Komos (Augustus 1989). "Only Yesterday". Air Progress: 60.
- ↑ Parramore, Thomas C. (2002). First to Fly: North Carolina & the Beginnings of Aviation.
- ↑ "Recent History". Geargiveer vanaf die oorspronklike op 15 Februarie 2015. Besoek op 15 Februarie 2015.