David Draper
Dr. David Draper (1859 - 1929) was 'n Suid-Afrikaanse geoloog en is in 1859 aan die Kaap gebore. Hy het hom hoofsaaklik self geleer en baie van sy vroeë ondervinding by G.W. Stoe opgedoen. Hy het Kimberley, Lydenburg en Natal in die jare 1870's besoek en belangrike ontdekkings gedoen. Hy het deelgeneem aan die Geologiese opname van die Witwatersrand en daarna oorsee gegaan. Hy het ook Turkye, Borneo en Suid-Amerika besoek en hom veral toegespits op diamantontginning in Brasilië. In 1904 en 1905 was hy in beheer van die eerste ondersoek na tinneerlae in die Bosveld. Hy ontvang 'n eredoktoraat van die Universiteit van die Witwatersrand in 1927. Hy sterf in 1929. Die Draper-medalje is ter ere van hom vir buitengewone diens in Suid-Afrikaanse geologie ingestel.