Demetrius Vikelas

Demetrius Vikelas, ook bekend as Bikelas (Grieks: Δημήτριος Βικέλας; Ermoupoli, 15 Februarie 1835Athene, 20 Julie 1908) was 'n Griekse sakeman. Vanaf 1894 tot 1896 was hy ook die eerste voorsitter van die Internasionale Olimpiese Komitee (IOK).

Demetrius Vikelas
Demetrius Vikelas

1ste President van die Internasionale Olimpiese Komitee
Ampstermyn
1894 – 1896
Voorafgegaan deur Nuwe amp
Opgevolg deur Pierre de Coubertin

Persoonlike besonderhede
Gebore 15 Februarie 1835
Ermoupoli, Griekeland
Sterf 20 Julie 1908 (op 73)
Athene, Griekeland

Vikelas was in die stad Ermoupoli, op die eiland Syros in Griekeland gebore. As kind was hy dikwels siek, en omdat sy gesondheid sleg was, word sy onderwys vir lang periodes onderbreek. Hy verloor sy ouers op 17-jarige leeftyd en gaan werk vir sy oom in Londen, eers as boekhouer en later as vennoot. In Londen ontmoet en bevriend hy die toekomstige minister-president van Griekeland Charilaos Trikoupis, die seun van die Griekse ambassadeur.

In 1894 verteenwoordig Vikelas die Pan-Hellenistiese Gimnastiekklub tydens die Parys-kongres wat deur Pierre de Coubertin byeengeroep was, waartydens die moderne Olimpiese Beweging gestig word.

Oorspronklik wou De Coubertin die eerste viering van die moderne Olimpiese Somerspele in 1900 in Parys aanbied, maar Vikelas oortuig hom en die IOK dat die eerste Spele in Athene gehou moet word. Die doel was om die simboliese verbintenis met die oorspronklike Spele te hervestig. Omdat die wette van die IOK daai tyd voorskryf het dat die voorsitter van die land waar die volgende Spele gehou sou word afkomstig moes wees, word Vikelas die eerste voorsitter van die IOK.

Na die eerste Olimpiese Spele, wat 'n reuse sukses was, onttrek Vikelas homself uit die IOK en vestig sy aandag op ander sake. Pierre de Coubertin volg hom op as die tweede IOK voorsitter.

Vikelas is op 73 jarige ouderdom in Athene oorlede.