Die Ander Ek was 'n Kanadese wetenskapfiksiereeks wat oorspronklik tussen 1988 – 1991 as My Secret Identity vervaardig is. Die reeks is na Afrikaans oorvertaal en deur die SAUK in Suid-Afrika gebeeldsend.

Die Ander Ek
Genre Aksie
Avontuur
wetenskapfiksie
Geskep deur Fred Fox, Jr.
Brian Levant
Geskryf deur Wilson Coneybeare
Fred Fox, Jr.
David Garber
Richard Marcus
John May
Dawn Ritchie
Eric Weinthal
Met Jerry O'Connell
Derek McGrath
Openingstema Fred Molli - "My Secret Identity"
Komponis(te) Fred Mollin
Oorsprong Vlag van Kanada Kanada
Taal Engels
Aantal seisoene 3
Aantal episodes 72
Produksie
Uitvoerende vervaardiger(s) Martin J. Keltz
Vervaardiger(s) John Delmage
Brian Levant
Paul Saltzman (1990-1991)
Patrick Doyle (1990-1991)
Redigeerder(s) Christopher Cooper
Kinematografie Peter Benison
Brian R.R. Hebb
Looptydperk 30 minute (omtrent)
Uitsending
Oorspronklike kanaal CTV (Kanada)
Syndication (Verenigde State)
Eerste lopie 9 Oktober 1988 – 25 Mei 1991

Jerry O'Connell het die hoofrol vertolk as Andrew Clements, 'n 14-jaar oue strokiesprentaanhanger, wat bonatuurlike kragte ontwikkel ná hy aan straling blootgestel word in die laboratorium van sy vriend, dr. Benjamin Jeffcoate (vertolk deur Derek McGrath). Andrew gebruik sy nuwe kragte om misdaad te bestry, persoonlike probleme op te los en ander mense te help. Met die uitsondering van Dr. Jeffcoate, steek hy sy kragte vir sy vriende, ma en suster weg.

Andrew se kragte was bonatuurlike spoed, onkwetsbaarheid en swewing. Alhoewel hy kon sweef, kon hy nie werklik vlieg nie, aangesien hy nie die vermoë gehad het om hom self aan te dryf in die lug nie. Om hierdie probleem op te los het hy spuitkannetjies in sy sakke gebêre vir hierdie doeleinde. Later in die reeks is hy weer per ongeluk deur 'n fotonstraal van Dr. Jeffcoate getref, waarna hy bonatuurlik sterk word. Andrew se kragte het deur die reeks gegroei en ontwikkel - hy het mettertyd nie meer nodig gehad om spuitkannetjies te gebruik om hom deur die lug aan te dryf nie.

Bronnelys en eksterne skakels wysig