Donis

Donis is 'n Litause musiekprojek wat deur die multi-instrumentalis Donatas Bielkauskas, 'n boorling van Klaipėda, in die lewe geroep is en hom op ambient-, neofolk- en eksperimentele musiek toespits. Donatas Bielkauskas was naas Donis ook lid van vier ander elektroniese musiekprojekte - Wejdas, Notanga, Ha Lela en Eirimė.

Donis
Donis in 2006
Agtergrondinligting
Oorsprong	Klaipėda, Litaue
Genres	Ambient-, neofolk- en eksperimentele musiek
Instrumente	Birbynė, švilpynė, lumzdelis
Jare aktief	1998 - hede
Etikette	Dangus
Assosiasies	Ha Lela, Wejdas, Notanga, Eirimė
Webwerf	www.donis.lt
Lede	Donatas Bielkauskas

Donis het tussen 1998 en 2013 altesaam tien albums uitgereik. Die meeste van Donis se musikale werke is bewerkings van oorspronklike etniese musiek uit Litaue. Die bekendste album is Bite Lingo, waarop agt argaïese Litause oorlogsliedere deur die folksangeres Rasa Serra gesing word.

Die album Švilpiai behels antieke okarina- of švilpynė-musiek, terwyl Sotvaras in samewerking met lede van Litaue se bekende Heidense musiekgroep Kūlgrinda ontstaan het. Donis het daarnaas 'n album uitgereik wat op Griekse mitologie baseer, Alexandreia, asook enkele eksperimenteel-elektroniese werke.

Toekennings

• A.LT 2006 - beste etniese musiek-kunstenaar

Diskografie

• 1998 - Deinana
• 2002 - Baltos Juodos Klajos
• 2003 - Švilpiai
• 2003 - Sotvaras, met Kūlgrinda
• 2004 - Vacuum
• 2006 - Bite lingo
• 2007 - Alexandreia
• 2010 - Kas tave šaukia...
• 2011 - Ein saulelė aplink dangų
• 2013 - Bars Bars
• 2015 - vanduo.molis.medis (as lid van die musiekgroep „Esatis“)

Eksterne skakels

• Amptelike webtuiste
• Inligting op die webtuiste van Music Export Lithuania

Media

• Video: Žalio vario
• Video: Bars bars