e-Sword is ’n gratis Bybelstudie-rekenaarprogrammatuur wat Rick Meyers vir Microsoft Windows en Pocket PC-bedryfstelsels geskryf het. Die ontwikkeling het amptelik in Januarie 2000 begin. Sedertdien het die programmatuur se gewildheid aanhou groei, met 15 000 000 aflaaie wat teen Januarie 2011 bereik is.[1] Die gebruikerskoppelvlak is in sewe-en-twintig tale, waaronder Afrikaans, en die bronne in meer as tagtig tale beskikbaar.

e-Sword
Ontwikkelaar Rick Meyers
Bedryfstelsel Microsoft Windows 95, 98, ME, NT4, 2000, XP, Vista of 7
Lisensie The e-Sword License
Webblad e-Sword tuisblad

Doel wysig

Rick Meyers het ’n behoefte daaraan gehad om Bybelstudie vrylik aan ’n ieder en ’n elk beskikbaar te stel, terwyl daar ook krag en diepte aan navorsing gewy word. Sy temavers is Matteus 10:8: Julle het dit verniet ontvang, verniet moet julle dit gee. Rick Meyers berig op die e-Sword-tuisblad:

As Bybelstudent en leraar het ek ervaar watter insettinge dit kos om die Skrif te deursoek om vir ’n Bybelstudie, Sondagskoolles of preek behoorlik voor te berei. Daar is volumes boeke vir studiebenutting beskikbaar (en die Christelike gemeenskap is baie aan die verskeie outers, vir hul volharding en kunde, verskuldig), maar daar is net nie genoeg tyd, geld of rakruimte tot ons beskikking om hierdie bronne ten volle te benut nie. Rekenaarprogrammatuur het die wyse verander hoe ons die Woord van GOD bestudeer. Met die eenvoudige soek en druk van ’n muisknoppie het ons nou toegang tot hierdie selfde volumes geleerdheid binne sekondes![2]

Verskillende weergawes wysig

Pocket e-Sword 1.0 is in Desember 2003 vrygestel. Teen Mei 2007 is 1 000 000 kopieë van die Pocket e-Sword-pakkette afgelaai.[1] Dit is die weergawe wat op die Pocket PC loop. Pocket e-Sword 3.0.1, wat op 17 Mei 2007 beskikbaar gestel is, was die laaste weergawe wat vir Pocket PC 2002, Pocket PC 2003 en Windows Mobile 5.0 vrygestel is. Pocket PC 3.1.0, wat in Junie 2009 vrygestel is, loop slegs op Windows Mobile 6.0 en latere weergawes. Daar is amptelik op 12 Desember 2009 aangekondig wat daar geen toekomstige ontwikkeling van Pocket e-Sword sal wees nie.

Die ontwikkeling van e-Sword Live het in November 2007 begin en is in Mei 2008 aan die publiek bekend gestel as 'n webgebaseerde weergawe. Rick Meyers bevorder hierdie weergawe ten sterkste onder gebruikers wat nié Windows-bedryfstelsels gebruik nie.

e-Sword Live kenmerke wysig

Die webweergawe kan bybels, kommentare, woordeboeke en onderwerpbybels vertoon.

Pocket e-Sword kenmerke wysig

Pocket e-Sword
Ontwikkelaar Rick Meyers
Bedryfstelsel Microsoft Windows Mobile 6.5
Lisensie The e-Sword License
Webblad Pocket e-Sword Tuisblad

Behalwe om Bybels, kommentare en woordeboeke te vertoon, bied Weergawe 3.1.0 ook die volgende komponente:

  • Bybel-merkoorlegging (Bible Markup Overlaying)
  • Bybelleesplan
  • Boekmerke
  • Dagstukkies

  • Gebedsversoeklys,
  • Skrifgeheue Verslys,
  • Studienotas,
  • Onderwerpnotas

Hierdie komponente bied soortgelyke werking aan die e-Sword eweknieë. Studie Notas en Onderwerp Notas is RTF-tekslêers, eerder as ’n databasis.

e-Sword kenmerke wysig

e-Sword is beskikbaar in: Afrikaans, Deens, Duits, Engels, Fins, Frans, Hongaars, Iers, Indonesies, Italiaans, Katalaans, Nederlands, Noors, Pools, Portugees, Roemeens, Slowaaks, Spaans, Sweeds, Tsjeggies en Turks. Gedeeltelike ondersteuning word ook gebied vir: Arabies, Grieks, Japannees en Chinees. Behalwe Bybels, Kommentare en Woordeboeke, bied Weergawe 9.8.1. ook die volgende komponente en werking:

  • Bybel-merkoorlegging
  • Bybelleesplan
  • Boekmerke
  • Dagstukkies
  • Evangelie Harmonie
  • Joernaal
  • Grafiese Vertoner
  • Taalkeuses

  • Gebedsversoeklys
  • Bronaflaaibestuurder
  • Skrif Geheue Verslys
  • Preeksketse
  • STEP Leser
  • Studie Notas
  • Onderwerp Notas
  • Versanalise Nutsprogram

Die program laat die gebruiker die teks van die Bybel, Bybelkommentare, Studie Notas en Woordeboeke vertoon. Deur sy aanpasbare uitleg kan die gebruiker kies watter van die bronne op een slag vertoon of hoe hul op die skerm georden moet word.[3]

Bedryfstelsels wysig

Hierdie program is vir die Windows-bedryfstelsel geskryf. Amptelike ondersteuning word vir Windows NT 4.0, Windows 95/98/ME, Windows 2000, Windows XP, Windows Vista en Windows 7 gegee.

Die program sal ook op Windows 2003 en 2008 loop, hoewel dit nie amptelike ondersteuning geniet nie. Dit kan ook op ReactOS as ’n ingeboude toepassingsprogram (native application) loop.

In November 2010 het eStudySource met CodeWeavers saamgespan om beter ondersteuning te bied vir e-Sword wat CrossOver gebruik.

Deur Wine as nastrewerprogram (emulator) te gebruik, kan dit ook op Linux werk.[4] Ubuntu Christian Edition internetforum[5] bied die konsekwentste ondersteuning vir Linux-gebruikers wat e-Sword benut.

Daar is wyd en syd berigte van e-Sword wat op OpenSolaris, BSD, end OS/2 Warp 5.0 werk.

Die e-Sword lisensie wysig

Die besieling vir die lisensie wat deur e-Sword gehou word, lê in Matthéüs 10:8 opgesluit: Julle het dit verniet ontvang, verniet moet julle dit gee. Die hoofsaaklike bedoeling van die lisensie is:

  • e-Sword moet gratis versprei word[6]
  • e-Sword en sy modules mag nie deur enige ander webtuiste versprei word nie;[7]

Alle dokumentasie en modules is onder hierdie lisensie, tensy die skepper van die dokumentasie of modules ’n ander lisensie noukeurig vermeld het. Die meeste dokumentasie wat deur die gebruikers geskep is, val onder die Creative Commons Attribution – Non Commercial – Share Alike 2.0 License. Sedert weergawe 7.8.1 uitgereik is, word ’n kopie (PDF) van die e-Sword-lisensie binne die e-Sword-gids ingebou. Die lisensies word ook in die Help-kieslys vertoon (deur op Oor… te kliek).

Bronne wysig

Amptelike bronne wysig

Amptelike bronne word op die Bronaflaaibestuurder-venster gelys. Die venster vertoon die bronne van beide e-Sword.net en eStudySource.

Voor e-Sword 9.8.1 was die bronne afsonderlik by http://www.e-sword.net/downloads.html en e.StudySource.com gelys.

Kommersiële bronne wysig

Hoewel eStudySource die hoofafsetgebied is vir bronne wat aangekoop word,[8] is daar ook ander uitgewers soos The Lockman Foundation en Bible.org wat e-Sword bronne verkoop.

Gebruikers wysig

Die projekte van ’n klein groepe e-Sword aktiviste word nie amptelik erken nie. Die uitkoms van daardie projekte het die populariteit van die program aangespoor.

Ondersteuningsgroepe vir gebruikers wysig

e-Sword-users.org was die hoofinternetforum wat ondersteuning in ses tale (Afrikaans, Duits, Engels, Nederlands, Pools, Slowaaks, Spaans en Tsjeggies) aangebied het. Dit het tussen 7 Mei 2010 en 19 Julie 2010 ontkoppel vanweë ’n kwaadwillige programmatuurprobleem. Dit het in Mei 2011 gesluit.

Bible Support het e-Sword-users.org op 9 Junie 2011 vervang. E-Sword gebruikers kan nou duisende gratis e-Sword modules aflaai en toegang verkry tot die gebruikersvriendelike ondersteuning.

Blind e-Sword Geargiveer 10 Oktober 2012 op Wayback Machine bied ondersteuning vir toeganklikheidskenmerke verwant aan e-Sword.

Gebruikergeskepte Nutsprogramme wysig

Gebruikers het ’n aantal nutsprogramme geskep om die proses om nuwe bronne te skep te vergemaklik.

Die gewildste nutsprogramme is:

  • e-Sword ToolTip Tool, met die bynaam "T3", is oorspronklik ingespan om Skriftuurlike verwysings na e-Sword ToolTip-formaat om te skakel, maar stel die gebruiker ook in staat om bronne vir weergawe 9.x van e-Sword te wysig en te skep.
  • Ben's e-Sword Tool 2.0 was gebruik om tekslêers binne verskillende brontipes in te voer.
  • e-Sword User Module Conversion Utility v9.5.0 was gebruik om bronne van e-Sword Resource Specification Format 1 na e-Sword Resource Specification Format 2 om te skakel.
  • e-Sword HotKey is ’n nutsprogram wat Sklrifverwysings naslaan wanneer dokumente in ’n webblaaier, woordverwerkerprogram, PDF-lêer ens. gelees word.

Gebruikergeskepte Bronne wysig

Die nutsprogramme het dit vir gebruikers eenvoudiger gemaak om bronne te skep en te versprei. Die STEP-formaat is die enigste brontipe waarbinne gebruikers geen inhoud geskep het nie.

Gebruikers het meer as tienduisend bronne in tagtig tale (van Zoeloe tot Klingon) gemaak. Engels en Spaans is die gewildste moderne tale. Hebreeus en Grieks is die gewildste Bybelse tale.

Bronopsporing wysig

Weens die afwesigheid van ’n gesentraliseerde lys van geskepte e-Sword bronne, het daar ’n duplisering van bronne plaasgevind. So is daar byvoorbeeld vyf verskillende weergawes van die Didache.

Resensies en Toekennings wysig

Resensies van e-Sword wysig

Resensies van Pocket e-Sword wysig

Toekennings aan Pocket e-Sword wysig

Meningsopname wysig

Die Bible Software-webjoernaal het oor die meeste van 2005 ’n meningsopname geloods om te bepaal watter Bybelstudieprogrammatuur die meeste gebruik word. e-Sword het die meeste stemme in die vrye/deelprogrammatuur kategorie ingepalm. Dit het ook meer stemme as enige van die kommersiële programme verwerf.[9]

Verwysings wysig

  1. 1,0 1,1 "e-Sword History" (in Engels). Rick Meyers. Geargiveer vanaf die oorspronklike op 12 Mei 2020. Besoek op 26 April 2011.
  2. "e-Sword Homepage" (in Engels). Rick Meyers. 31 Januarie 2007. Geargiveer vanaf die oorspronklike op 3 Desember 2002. Besoek op 15 Februarie 2007.
  3. "e-Sword Splitscreen" (in Portugees). Rick Meyers. 19 Augustus 2010. Geargiveer vanaf die oorspronklike op 9 Oktober 2019. Besoek op 4 Januarie 2010.
  4. The first message in the thread How To Install E-sword with wine at http://ubuntuforums.org/showthread.php?t=404042 includes scripts for downloading and installing e-Sword.
  5. http://ubuntuforums.org/forumdisplay.php?f=168
  6. Point 2: The e-Sword License.PDF. This document is installed in the e-Sword directory, in version 7.8.1 or higher. It is also viewable from the Help menu in the main screen.
  7. Point 3: The e-Sword License.PDF.
  8. New Company Makes Bible E-Content – 2/21/2007 – Publishers Weekly
  9. http://www.bsreview.org/survey05.htm

Eksterne skakels wysig