Eddie Jones
Edward Jones (gebore 30 Januarie 1960)[1] is 'n Australiese rugbyafrigter en voormalige speler. Hy het van Januarie tot Oktober 2023 die Australiese nasionale rugbyspan afgerig nadat hy teruggekeer het om Dave Rennie te vervang, ná sy afdanking deur Engeland. Hy was van 2015 tot 2022 die hoofafrigter van die Engelse nasionale rugbyspan. Sy eerste termyn as afrigting van die Wallabies was tussen 2001–2005 toe hy hulle afgerig het vir suksesvolle Bledisloebekerwedstryde en die Rugbywêreldbeker 2003-eindstryd. Tydens die Rugbywêreldbeker 2023 is sy Wallabies egter reeds in die groepfase uitgeskakel, waarna hy bedank het. In 2024 het hy teruggekeer as Japan se afrigter.[2]
| |||||
| |||||
| Eddie Jones in 2009 | |||||
| Volle naam | Edward Jones | ||||
|---|---|---|---|---|---|
| Geboortedatum | 30 Januarie 1960 | ||||
| Geboorteplek | Burnie, Tasmanië, Australië | ||||
| Lengte | 1,70 m | ||||
| Skool | Matraville Sports Hoërskool | ||||
| Rugbyloopbaan | |||||
| Loopbaan as speler | |||||
| Posisie(s) | Haker | ||||
| Professionele / senior klubs | |||||
| Jare | Klub / span | Weds | (pte) | ||
| 1981–1991 1991–1992 |
Randwick Leicester Tigers |
210 3 |
(56) () | ||
| Provinsiale- / Staatspanne | |||||
| Jare | Klub / span | Weds | (pte) | ||
| 1987–1989 | Nieu-Suid-Wallis | 12 | (0) | ||
| Loopbaan as afrigter | |||||
| Jare | Klub / span | ||||
| 1994 1995–1996 1996 1997 1998–2001 2001–2005 2006 2007 2007 2007–2009 2009–2012 2012–2015 2015 2015–2022 2023 2024–hede |
Randwick (raad.) Tokai-universiteit (raad.)  Japan (raad.)Suntory Sungoliath (raad.) ACT Brumbies  AustraliëSaracens (raad.) Queensland Reds  Suid-Afrika (raad.)Saracens (raad.) Suntory Sungoliath JapanStormers  Engeland Australië Japan
| ||||
Hy was 'n raadgewer vir Suid-Afrika toe die Springbokke die Rugbywêreldbeker 2007 gewen het. Van 2012 tot 2015 het hy Japan afgerig, wat hulle gelei het in die Rugbywêreldbeker 2015 en 'n verrassende oorwinning oor Suid-Afrika.[3] In November 2015 is Jones as hoofafrigter van Engeland aangestel en hulle afgerig om die 2016 en 2017 Sesnasieskampioenskappe te wen, en word slegs die tweede nasionale span wat onoorwonne in 'n kalenderjaar is. Hy het Engeland na die Rugbywêreldbeker 2019-eindstryd gelei, toe hulle deur Suid-Afrika geklop is.
Jones het as haker vir die Sydneyklub Randwick en Nieu-Suid-Wallis gespeel en Randwick in 1994 begin afrig. Hy het sy loopbaan in Japan tussen 1995 en 1997 voortgesit by die Tokai Universiteit, as 'n assistent vir die Japanse nasionale span en vir Suntory Sungoliath. In 1998 het hy na Australië teruggekeer, beheer van ACT Brumbies in Superrugby geneem en ook die Queensland Reds in die 2007 Super 14-seisoen afgerig. In 2008 het hy 'n kort tydjie by Saracens in Engeland se Premierliga gehad, voordat hy na Japan en Suntory Sungoliath teruggekeer het vir 'n tweede keer wat uitgeloop het op 'n oorwinning in die 2011–12 Topliga-kampioenskap.
Persoonlike lewe wysig
Jones is in Burnie, Tasmanië,[1] gebore met 'n Japannese ma en 'n Australiese pa.[4] Hy is getroud met Hiroko Jones, 'n Japannese vrou wat hy ontmoet het terwyl hy by die International Grammar School in Sydney skoolgehou het.[5] Hulle het 'n dogter, Chelsea Jones.[6] Jones is 'n ondersteuner van West Ham United FC[7] en die South Sydney Rabbitohs NRL-span.[8]
Verwysings wysig
- ↑ 1,0 1,1 (en) "Eddie Jones ESPN profile". ESPN. Besoek op 19 Desember 2018.
- ↑ (en) "Eddie Jones: Japan head coach on spells with England and Australia". BBC. 13 Maart 2024. Besoek op 7 April 2024.
- ↑ (en) Rob Kitson (19 September 2015). "Rugby World Cup's Greatest Shock". Besoek op 19 Desember 2018.
- ↑ (en) "England coach Eddie Jones on how he made Japan a force in world rugby". Joe (website). Oktober 2019. Besoek op 12 Januarie 2020.
- ↑ (en) Brown, Oliver (29 Januarie 2016). "The Making of Eddie Jones". The Daily Telegraph. Besoek op 28 Oktober 2019.
- ↑ (en) "Departures are sign that Eddie Jones has driven his staff too hard". Stuff. Geargiveer vanaf die oorspronklike op 31 Januarie 2019. Besoek op 30 Januarie 2019.
- ↑ (en) "England rugby union boss Eddie Jones reveals love for West Ham United". West Ham United F.C. 23 Februarie 2021. Besoek op 16 Maart 2021.
- ↑ (en) "England rugby coach Eddie Jones reveals NRL 'dream' to coach South Sydney Rabbitohs". Wide World of Sports. 28 Julie 2022. Besoek op 29 Julie 2022.
Eksterne skakels wysig
Wikimedia Commons het meer media in die kategorie Eddie Jones.- (en) Eddie Jones op ESPNscrum
