Die Engadin (Retoromaans: Engiadina, Italiaans: Engadina; afgelei van die Retoromaanse naam van die Inn-rivier, En, letterlik "Tuin van die Inn") is 'n lang uitgestrekte vallei in die Switserse Alpe wat in die suidoostelike kanton Groubunderland geleë is. Die vallei loop saam met die Inn-rivierloop oor 'n lengte van 80 kilometer vanaf sy bron by die Maloja-bergpas in noord-oostelike rigting totdat dit na Oostenryk vloei. Die vallei word onderverdeel in die Bo- en Neder-Engadin.

Die mere van die Bo-Engadin met St. Moritz
Die Engadinerhuis, die plaaslike variant van 'n plaashuis waarin woonvertrekke, skure en stalle onder een dak gehuisves is

Die Engadin-vallei, een van die hoogs geleë bewoonde bergvalleie in Europa, word aan alle kante deur hoë bergpieke beskerm en staan dus bekend vir sy sonnige klimaat. Sy natuurskoon en die groot verskeidenheid buitelugaktiwiteite het van die Engadin 'n gewilde toeristetrekpleister gemaak.

Eksterne skakels wysig