Ernest Jones
Ernest Jones was 'n aanhanger van Sigmund Freud en word beskou as die stigter van die psigoanalise beweging in Brittanje. Hy is gebore in Gowerton, Wallis, in 1879 op Nuwejaarsdag. Hy is opgelei as 'n dokter, maar weens beweringe van onetiese gedrag teenoor jong vroulike pasiënte, moes hy padgee uit Londen. Hy het vanaf 1908 tot 1913 in Kanada gewerk. In hierdie tydperk was hy ook instrumenteel om psigoanalise in die VSA te vestig.
| Ernest Jones | |
| |
Groepfoto van 1909 in die voorkant van die Universiteit van Clark. Voorry: Sigmund Freud, G. Stanley Hall, Carl Jung; Agter: Abraham A. Brill, Ernest Jones, Sándor Ferenczi.
| |
| Gebore | 1 Januarie 1879 Glamorganshire, Wallis |
|---|---|
| Oorlede | 11 Februarie 1958 (op 79) Londen, Engeland |
| Nasionaliteit | .svg){kind=small} Verenigde Koninkryk
|
| Vakgebied | Neurologie, Psigoanalise |
| Instelling(s) | Psigoanalise |
| Alma mater | Britse Psigoanalitiese Vereniging, Internasionale Psigoanalitiese Vereniging |
In 1913 is hy terug na Engeland, waar hy gepraktiseer het as 'n psigoanalis. Hy het die Londense Psigoanalitiese Vereniging begin en was verantwoordelik vir verskeie publikasies en lesings rakende verskeie aspekte van die vakgebied.
Jones was ook President van die Internasionale Psigoanalitiese Vereniging vanaf 1920 tot 1924 asook 1932 tot 1949. In 1920 het hy ook die International Journal of Psychoanalysis begin, en was redakteur tot 1939.
Die Britse Mediese Vereniging het amptelike erkenning gegee aan psigoanalise in 1929, en dit was grootliks te wyte aan die aktiewe bydraes van Jones. Hierna het die BBC hom verwyder van hulle lys van sprekers wat gevaarlik sou wees vir publieke moraliteit en in 1932 het hy reeks uitsendings behartig rakende psigoanalise.
Na Hitler se oorname in Duitsland het Jones verskeie Duitse analiste van Joodse afkoms gehelp om te hervestig in Engeland en ander lande. Na die oorname van Oostenryk het hy self onder moeilike en gevaarlike omstandighede na Wenen gereis en 'n bepalende rol gespeel in die emigrasie van Freud na Londen.
Na die oorlog, het Jones voortgegaan met sy praktyk as psigoanalis en om lesings te gee. Hy het ook sy laaste jare gewy aan die skrywe van die omvattende biografie van Freud en beskrywing van sy werke. Hierdie skrywe het drie volumes beslaan en het tussen 1953 en 1957 verskyn. Sy duitssprekende vrou het hom hiermee gehelp deurdat sy verskeie van Freud se vroeë korrespondensie en ander dokumente, wat deur Anna Freud beskikbaar gestel is, vertaal het.
Jones het self begin om 'n outobiografie, Free Associations te skryf, maar dit is nooit voltooi nie en is na sy dood in 1959 gepubliseer.
Jones is oorlede op 11 Februarie 1958.
Verwysings wysig
Wikimedia Commons het meer media in die kategorie Ernest Jones.- Maddox B. Freud's Wizard - The Enigma of Ernest Jones 2006.
- http://en.wikipedia.org/w/index.php?title=Ernest_Jones&oldid=191191087
