'n Flikkerlig, ook rigtingwyser en rigtingflikker, is 'n lig op 'n voertuig wat gebruik word om ander padgebruikers te waarsku dat 'n voertuig na links of regs gaan draai. Die flikkerlig is gewoonlik vooraan wit of oranjegeel, terwyl dit agter rooi of oranjegeel is. Aan die sykante moet rigtingwysers oranjegeel flikker. Op die paneel se instrumentegroep van die motor moet die flikkerwaarskuliggies gelyktydig met die flikkerligte buite saamval. Daar is ook meestal klankterugvoer betrokke: as die flitse of klank skielik vinniger as gewoonlik is, dan dui dit op 'n fout van een of meer lampe.

'n Voertuig met sy flikkerlig aangeskakel.
ISO-simbool vir flikkerligte

'n Agtereenvolgende voertuig wat sy regterflikkerlig aanskakel (in Suid-Afrika), is 'n teken dat hy die motor voor hom gaan verbysteek.

Wanneer flikkerligte tegelyk links en regs flikker, is dit 'n waarskuwingsteken. Sou aankomende verkeer aan die regterbaan opeens hul waarskuwingsligte flikker mag dit soms (hoewel onwettig) dui op 'n spoedlokval, ongeluk, verkeersknoop of loslopende diere op die pad vorentoe. 'n Verbystekende motor wat sy waarskuwingsligte flikker kan ook 'n teken van dankbetuiging wees.

As 'n motor onklaar geraak het en langs die pad tot stilstand kom, word die waarskuwingsligte ook gebruik.

Hierdie twee tipes paneelbord-aanwysers wys aan die bestuurder die sein wat hy na ander padgebruikers stuur.

Flikkerligte in verkeersirkels en mini-sirkels wysig

In Suid-Afrika word flikkerligte as volg in verkeersirkels en mini-sirkels gebruik:[1]

Links draai wysig

Motors wat wil links draai, moet links flikker en die sirkel in die linkerbaan benader. Binne die sirkel hou hierdie motors links en hou hulle aan links flikker totdat hulle die verkeersirkel verlaat het.

Reguit aanhou wysig

Motors wat reguit aan wil hou kan in enige baan die verkeersirkel benader. Indien daar geen padmerke is nie, hou motors links. Motors wat reguit aan wil hou, moet links flikker sodra hulle die laaste uitgang verbygesteek het net voor die uitgang wat hulle wil neem.

Regs draai wysig

Motors wat wil regs draai, moet regs flikker en die sirkel in die regterbaan benader. Hierdie motors moet regs hou binne die sirkel totdat hulle bane moet verwissel om die uitgang te neem. Motors wat regs wil draai moet ook links flikker sodra hulle die laaste uitgang verbygesteek het voor die uitgang wat hulle wil neem.

Sien ook wysig

Verwysings wysig