Frederiksborg-paleis
Frederiksborg-paleis (geleë in Hillerød, Denemarke) is vandag die Nasionaal-Historiese Museum. Veral die paleis se Ridderkapel en Badhuis word met die Deense Vorstehuis vereenselwig.
Die Ridderkapel wysig
Die Frederiksborg-Hofkapel het 'n spesiale verbintenis met die Vorstehuis behou. Die absolute monarge, met die uitsondering van Christian VII, is in hierdie kapel gesalf. Met die invoer van absolutisme vervang die salwingsritueel die kroning as inhuldigingseremonie van die nuwe monarg. Christian V is die eerste koning wat gesalf is; hy het die Ridderkapel gestig waar ridderskilde opgehang is. Die Frederikborg-Hofkapel is vandag 'n gewone parogiekerk en museum.
Die Badhuis wysig
Van Frederik II se oorspronklike Frederiksborg-paleis staan die klein Badhuis vandag nog. Dit is in 1580 gebou. Op die ryklik versierde sandsteeningang, met gegroefde Ioniese suile asook leeumaskers op die voetstukke en suilskagte, pryk Frederik II se leuse steeds: "Mein Hoffnung zu Gott allein" (“My hoop is in God alleen”). Die gebou moes, soos sy naam weergee, as badkamer dien; hiervoor is 'n tin-uitgevoerde kamer in die grondverdieping aangebou. Dit staan tot 1794, toe die tin afgehaal en verkoop is. Daarnaas is die gebou ook benut as 'n somerhuisie wat met 'n kombuis en enkele slaapkamers toegerus is. Frederik VII het in 1858 die Badhuis se interieur opgeknap. Die hoofkamer in die Badhuis is die eetkamer wat in die middel van die gebou op die eerste verdieping geleë is. In die eetkamer het beeldhouer A. M. Jahn een van sy amusante gestukadoorde plafonne geskep wat 'n magdom verskillende diere uitbeeld.
Die Badhuis is vir die publiek gesluit. Haar Majesteit die Koningin bied by geleentheid noenmale hier aan.