George Thomas Napier

Sir George Thomas Napier (Londen, 30 Junie 1784 - Genève, 16 September 1855) was 'n Britse goewerneur.

Sir George Napier
Geboortedatum 30 Junie 1784
Geboorteplek Londen, Koninkryk van Groot-Brittanje
Sterfdatum 16 September 1855 (81 jaar oud)
Sterfplek Genève, Switserland
Lojaliteit Vlag van Verenigde Koninkryk Verenigde Koninkryk
Diens/Tak Britse leër
Rang Luitenant-generaal
Veldslae/oorloë Skiereilandse Oorlog
Toekennings Knight Commander of the Order of the Bath
Ander werk Goewerneur van die Kaapkolonie (1838–1844)

Napier was die seun van kolonel George Napier en die oudste broer van die beroemde soldaat-skrywer van History of the Peninsular War. Hy sluit hom in 1800 op die ouderdom van 16 jaar aan by die Britse leër en dien van 1808 as aide-de-camp van sir John Moore in Portugal tydens die Skiereiland-oorlog teen Napoleon. In 1812 verloor hy sy regterarm in die slag van Ciudad Rodrigo in Portugal. Hy word dieselfde jaar tot luitenant-kolonel bevorder, in 1837 tot majoor-generaal en in 1846 tot luitenant-generaal. In 1837 stel die Britse regering hom aan as goewerneur en opperbevelvoerder aan die Kaap. Hy besoek die volgende jaar die Oosgrens en dring by die Britse regering aan op skadevergoeding vir die koloniste. Hy stuur maj. Charteris om Port Natal te beset. In 1839 word hy egter verplig om Charteris terug te roep omdat die Britse regering geen uitbreiding van sy gebied in Suider-Afrika wou hê nie. In 1842 stuur hy kapt. Smith om Natal te beset en word dit Britse gebied.

Napier keer in 1843 terug na Engeland, maar vestig hom in Nizza. Hy word in 1854 tot generaal bevorder en sterf in 1854 in Genève. Sy outobiografie, Passages in the Early Military Life of General Sir G.T. Napier, is uitgegee deur sy oorlewende seun, genl. William Craig Emilius Napier. Die dorpie Napier in die Wes-Kaap is na hom vernoem.

Sien ook wysig

Bronne wysig

  • Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
  • Olivier, ds. P.L. (samesteller). 1952. Ons gemeentelike feesalbum. Kaapstad en Pretoria: N.G. Kerk-uitgewers.
  • Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.