Gestadigde toestand

'n Gestadigde toestand is 'n meer algemene situasie as 'n dinamiese ewewig. As 'n stelsel in 'n gestadigde toestand verkeer dan sal die onlangs waargenome gedrag van die stelsel in die toekoms voortduur. In stogastiese stelsels sal die waarskynlikheid dat verskeie toestande herhaal sal word, konstant bly. In baie stelsels sal gestadigde toestande eers bereik word na 'n sekere tyd verloop het na die stelsel aan die gang gesit is. Die aanvanklike situasie word dikwels as 'n oorgangstoestand, 'n aanskakel- of opwarmtydperk geïdentifiseer.

'n Dinamiese ewewig kom voor wanneer twee of meer omkeerbare prosesse teen dieselfde tempo voorkom. So 'n stelsel kan beskou word as 'n stelsel in 'n gestadigde toestand; 'n Stelsel wat in 'n gestadigde toestand is, is egter nie noodwendig in 'n dinamiese ewewigstoestand nie omdat sommige prosesse betrokke nie omkeerbaar is nie.

Byvoorbeeld: Die vloei van materiaal deur 'n stelsel of elektrisiteit deur 'n netwerk kan in 'n gestadigde toestan verkeer omdat daar 'n konstante vloei van materiaal of elektrisiteit is. Daarteenoor sal die volmaak of dreinering van 'n tenk met materiaal 'n voorbeeld van 'n oorgangstoestand wees.

Bronne

• Bronowski, J. (1973). The Ascent of Man, Little, Brown, bl'e. 348-349.