Gewone duiker
Die duiker (Sylvicapra grimmia), dikwels ook die gewone duiker of grysduiker genoem, om dit van die ander duikers te onderskei, is 'n klein wildsbokkie wat in Afrika suid van die Sahara aangetref word.
| Duiker | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | Sylvicapra Ogilby, 1837
|
| Spesie: | S. grimmia
|
| Binomiale naam | |
| Sylvicapra grimmia (Linnaeus, 1758)
| |
'n Volwasse duiker het 'n gemiddelde massa van 12 kg en 'n hoogte van ongeveer 50 cm. Duikers het twee horings op hulle koppe; die langste horings wat al aangeteken is, was 18 cm. Die kleur van 'n duiker wissel van gryserig tot roesgeel. Onder is hy gewoonlik wit, alhoewel hy ook grys of rooierig getint kan wees. Die voorkop is gewoonlik rooier en donkerder as die res van die liggaam en het 'n kenmerkende swart streep wat oor die neus loop.
Duikers eet hoofsaaklik blare van verskeie plante, vrugte en sade, wortels, bas, blomme, swamme, ruspes en soms selfs klein voëlkuikens.
Na 'n draagtyd van 4 maande, skenk die ooi geboorte aan 'n enkele lammetjie. Duikers het 'n moontlike lewensduur van 9 jaar.
Sien ook wysig
Bronnelys wysig
- IUCN SSC Antelope Specialist Group (2008): Sylvicapra grimmia[dooie skakel] by die IUBN se Rooilys vir bedreigde spesies.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
- Reay H N Smithers, Peter Apps, Clare Abbott, Penny Meakin, Noel Ashton (2008). Smither's Mammals of Southern Africa: A Field Guide. Struik-uitgewers. ISBN 1868725502, 9781868725502
Eksterne skakels wysig
Wikiwoordeboek het 'n inskrywing vir gewone duiker.
