Die groenrugreier (Butorides striata) is 'n algemene standvoël.

Groenrugreier
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
B. striata
Binomiale naam
Butorides striata

Identifikasie wysig

 
'n Groenrugreier in São Paulo, Brasilië
 
'n Groenrugreier in die Austin Roberts-voëlreservaat
 
Eiers van die groenrugreier

Soos die naam van die groenrugreier dui, het die voël 'n rugkant wat grysgroen voorkom. Sy vere het roomkleurige rande. Die kante van sy nek en sy flanke is grys en hy het 'n swart mus. As hy opvlieg, is sy geel pote opvallend. Jonge voëls word aan hul donker rugkante en wit kolle op die gevoude vlerke uitgeken. Die algemene lengte van 'n volwasse groenrugreier is 41 cm.

Habitat wysig

Dit is 'n algemene klein reiertjie wat een-een by dig-beboste riviere, groot damme, panne en riviermondings of strandmere met wortelbome voorkom. Daglewend; jag al langs die oewer of van 'n lae tak of dooie boom wat in die water staan. Vlieg in 'n boom in as hy opgejaag word.

Verspreiding wysig

Kom voor in groot dele van die Vrystaat, KwaZulu-Natal, Namibië en Botswana en oor die hele Mpumalanga Noord-Wes, Mpumalanga, Limpopo, Mosambiek en Zimbabwe.

Dieet wysig

Groenrugreiers eet meestal klein visse en skaaldiere (veral krappe), asook ander waterbewoners, insekte en enige ander eetbare happies, insluitende klein soogdiere.

Sien ook wysig

Bronnelys wysig

Eksterne skakels wysig