Gugulethu

Gugulethu
Gugulethu
	Voorstad
	Gugulethu
	Koördinate: 33°59′00″S 18°34′00″O / 33.98333°S 18.56667°OKoördinate: 33°59′00″S 18°34′00″O / 33.98333°S 18.56667°O
Land	Suid-Afrika
Provinsie	Wes-Kaap
Metropolitaanse Munisipaliteit	Stad Kaapstad
Oppervlak
• Totaal	6,49 km2 (2,51 vk. myl)
Bevolking
• Totaal	98 468
• Digtheid	15 000/km2 (40 000/vk. myl)
Tydsone	UTC+2 (SAST)
Poskodes	7750, 7752, 7756
Skakelkodes	021

Gugulethu is 'n voorstad van Kaapstad, Suid-Afrika.

Geskiedenis wysig

Die naam Gugulethu is afgelei van die Xhosa woorde igugu lethu wat beteken ons trots. Gugulethu is in die 1960's gestig as gevolg van die oorbevolking van Langa. Gedurende die Apartheid-era is swart Suid-Afrikaners nie toegelaat om in die sogenaamde "blanke" areas te woon nie. Menige persone, wat as "anderskleurig" geklassifiseer is, is uit areas soos Distrik Ses na Gugulethu, Nyanga en Langa verwyder.

Vroeg op die oggend van 3 Maart 1986 is sewe jong mans in Gugulethu deur die polisie, gelei deur lede van die Vlakplaas-eenheid, doodgeskiet. Die sewe mans was almal lede van die African National Congress se gewapende eenheid Umkonto we Sizwe ("Spies van die nasie") en het in later jare as die Gugulethu-sewe bekendheid verwerf. Die Gugulethu-sewe-gedenkstene is op die plek waar die sewe gesterf het, op die hoek van NY1 en NY111 strate, in Gugulethu opgerig.

Mzoli's wysig

Toeriste by Mzoli's in Gugulethu

Gugulethu is die tuiste van Mzoli's, wat in die aanlynensiklopedie Wikipedia beroemdheid verwerf het omdat Jimmy Wales, die stigter van Wikipedia se sambreel-organisasie, Wikimedia, 'n Wikipedia-artikel daaroor begin het wat deur gebruikers nie as belangrik genoeg beskou is nie en op die skraplys gesit is. Dit het by die Engelse Wikipedia tot 'n debat gelei oor watter artikels ingesluit moet word en watter nie. Daar is wyd uiteenlopende menings hieroor tussen die "skrappers" en "insluiters" by Wikipedia.

Misdaad wysig

Op Vrydag, 12 Julie 2019, is die Suid-Afrikaanse Nasionale Weermag in onder meer Gugulethu ontplooi om hoë vlakke van misdaad, wat die Suid-Afrikaanse Polisiediens tot dusver nog nie onder beheer kon bring nie, te takel.^[2]

Verwysings wysig

↑ Hoofplek Gugulethu 2011-sensus
↑ "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.

	Provinsie Wes-Kaap
Hoofstad:	Kaapstad
Streke:	Kaapse Skiereiland \| Kaapse Wynlande \| Sentraal Karoo \| Overberg \| Tuinroete \| Weskus
Grootste stede en dorpe:	Kaapstad \| George \| Mosselbaai \| Knysna \| Oudtshoorn \| Paarl \| Robertson \| Stellenbosch \| Swellendam \| Vredenburg \| Worcester
Munisipaliteite:	Beaufort-Wes \| Bergrivier \| Bitou \| Breedevallei \| Kaap Agulhas \| Cederberg \| Drakenstein \| George \| Hessequa \| Kaapstad \| Kannaland \| Knysna \| Laingsburg \| Langeberg \| Matzikama \| Mosselbaai \| Oudtshoorn \| Overberg \| Overstrand \| Prins Albert \| Saldanhabaai \| Sentraal Karoo \| Stellenbosch \| Swartland \| Swellendam \| Theewaterskloof \| Tuinroete \| Weskus \| Witzenberg

[census2011-1] Hoofplek Gugulethu 2011-sensus

[2] "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.

[1]

[2]