Gysmanshoekpas (ook in die verlede as die Plattekloofpas en die Hudsonpas bekend), is 'n bergpas oor die Langeberge.

Gysmanshoekpas
Plattekloofpas
Ligging Riversdal na Klein Karoo
Oppervlak Grond
In Langeberg

Tot met die opening van die Garciapas in 1879 was die Gysmanshoekpas die enigste pad in die omgewing van Riversdal oor die Langeberge na die Klein Karoo. Die trekboere was vasberade om 'n oorgang oor die Langeberge te kry en in ongeveer 1740 is die Plattekoofpas begin gebruik. Gou het dit die hoofroete tussen die Kein Karoo en die kusgebied geword. Op 'n kaart van Burchell uit 1772 word die pas reeds aangedui. Die pas is in 1841 en weer in 1860 verbeter en is daarna na die magistraat van Oudtshoorn, J. Hudson, vernoem. In 1841 is die pas herbou en effens verlê. Dit is 'n baie steil pas en loop oor 'n nek bo-op die Kanetberg, suid van die plaas Brandrivier. Ook vanaf die Karoo-kant is die opdraand lank en steil. Teenswoordig word die pad uitsluitlik gebruik deur plaaslike boere en die Departement Bosbou. By die ingang van die pas is die bouval van 'n tolhuis.

Sien ook wysig

Koördinate: 33°56′28″S 21°3′10″O / 33.94111°S 21.05278°O / -33.94111; 21.05278