Hamadriades (Grieks: Ἁμαδρυάδες) was in die Griekse mitologie nimfe wat in bome gewoon het. Hulle was ’n spesifieke soort driade: Hulle was van geboorte af gebonde aan een boom; sommige glo hulle was die boom self. Daarteenoor was driades net die entiteit, of gees, van die boom.

’n Mosaïek van die god Pan en ’n hamadriade wat in Pompeji gevind is.

As die boom doodgegaan het, het die hamadriade ook gesterf. Daarom het die gode en nimfe mense gestraf wat bome beskadig het.

Die Deipnosophistae van Athenaios noem agt hamadriades, die dogters van Oxylus en Hamadryas:

  • Karya (Haselneut of Okkerneut)
  • Balanos (Eik)
  • Kraneia (Kornoelie)
  • Morea (Moerbei)
  • Aigeiros (Swart Populier)
  • Ptelea (Olm)
  • Ampelos (Wingerde)
  • Syke (Vy)

Verwysings wysig

Hierdie artikel is merendeels vertaal vanaf die Engelse Wikipedia-artikel en:Hamadryad

Eksterne skakels wysig