Marie Helen Sjöholm (IFA: heˈleːn ˈɧøːˌhɔlm) (gebore 10 Julie 1970) is 'n Sweedse sangeres, aktrise en musikale toneelspeelster vanuit Gamla Enskede in Stockholm. Sy het in Sundsvall grootgeword en het op 'n vroeë ouderdom in kore begin sing.

Helen Sjöholm
Helen Sjöholm sing saam met Benny Anderssons Orkester in Minnesota (VSA), 2006.
Agtergrondinligting
GeboortenaamMarie Helen Sjöholm
Gebore10 Julie 1970 (1970-07-10) (53 jaar oud)
Swede
GenresDansmusiek, volksmusiek, pop
Beroep(e)Musikant, aktrise, opvoerderes
Jare aktief1995 — hede
AssosiasiesBenny Anderssons Orkester

Loopbaan wysig

Musiekblyspele en kabaret wysig

Haar loopbaan as 'n opvoerderes van musikale teater het met klein konsertweergawes van die musiekblyspel Chess begin waarin sy die rol van Florence gesing het. Sy het op 'n aantaal kleiner produksies gewerk, insluitende Little Dorrit in Enskede en die musiekblyspel by die Malmöse Musiekteater in Malmö (Swede).

Haar deurbraak was in 1995 toe sy die titelrol in Benny Andersson en Björn Ulvaeus se Kristina från Duvemåla geskep het, waarin sy aan-en-af vir 'n tydperk van vier jaar gespeel het. Die Menneapolis Star and Tribune het haar as "uitstekend" (Engels: extraordinary) beskryf in hul resensie van die konsertweergawe van die musiekblyspel wat deur die oorspronklike spelers in 1996 in Minneapolis, Minnesota opgevoer is.[1] In 1998 het sy 'n hiaat van Kristina geneem en die rol van Hodel in Fiddler on the Roof gespeel. Sy het in 2000 na die Malmöse Musiekteater teruggekeer om die rol van Fantine in Les Misérables te vertolk, en in 2002 het sy die rol van Florence in die heropvoering van die Sweedse produksie van Chess teenoor die oorspronklike Londense akteur Tommy Körberg (as Anatoly) vertolk. Nadat die produksie in 2003 gesluit het, het Sjöholm in Chinarevyn deelgeneem — 'n kabaret waarin verskeie welberoemde Sweedse opvoerders soos Magnus Härenstam, Lasse Berghagen, Loa Falkman en Sissela Kyhle gespeel het.

As musikant wysig

Helen Sjöholm het teen die einde van die 1980's 'n musiektoer met die groep Just For Fun ondergaan. Sy het ook al wyd deur Swede 'n musiektoer met Jojje Wadenius en Martin Östergren onderneem en sy het al twee musiekalbums vrygestel: Visor (2002), 'n versameling van Sweedse volksliedjies met nuwe verwerkings deur Östergren, en Genom varje andetag (2003) met musiek en lirieke deur jazzpianis Anders Widmark.

Sy tree ook gereeld op saam met Benny Andersson se musiekgroep, Benny Anderssons Orkester (BAO), waar sy meestal dansmusiek en musiek deur Andersson sing. Sy het ook al by verskeie galakonserte opgetree, insluitend Rhapsody in Rock.

Trefferopnames sluit in "Du måste finnas" van die musiekblyspel Kristina från Duvemåla, "Vår sista dans" met Benny Anderssons Orkester, "Gabriellas sång" uit die rolprent Så som i himmelen, "Jag vet vad han vill" van die musiekblyspel Chess, "Det är vi ändå" met Tommy Körberg en Benny Anderssons Orkester, en "Du är min man" met Benny Anderssons Orkester.

Rolprent en televisie wysig

Haar debuut op die kassie was in 1999 met haar verskyning in Rikard Hobert se Där regnbågen slutar. In 2004 het sy na die silwerdoek teruggekeer met haar vertolking van Gabrielle in Kay Pollak se Så som i himmelen.

Diskografie wysig

  • Kristina från Duvemåla (musiekblyspel, oorspronklike Sweedse opname, 1997)
  • Från Waterloo till Duvemåla (verskeie kunstenaars, 1998)
  • Benny Anderssons Orkester (met Benny Anderssons Orkester, 2001)
  • Visor (2002)
  • Chess på svenska (musiekblyspel, oorspronklike Sweedse opname, 2003)
  • Genom varje andetag (met Anders Widmark, 2003)
  • BAO! (met Benny Anderssons Orkester, 2004)
  • BAO på turné (met Tommy Körberg en Benny Anderssons Orkester, 2006)
  • BAO 3 (met Tommy Körberg en Benny Anderssons Orkester, 2007)

Verwysings wysig

  1. 14 Oktober 1996, p. 05B

Eksterne skakels wysig