Hennenman is 'n dorpie tussen Welkom en Kroonstad, in die Lejweleputswa Distriksmunisipaliteit van die Vrystaatprovinsie van Suid-Afrika.

Hennenman
Hennenman is in Vrystaat
Hennenman
Hennenman
 Hennenman se ligging in Vrystaat
Koördinate: 27°58′0″S 27°02′0″O / 27.96667°S 27.03333°O / -27.96667; 27.03333Koördinate: 27°58′0″S 27°02′0″O / 27.96667°S 27.03333°O / -27.96667; 27.03333
LandVlag van Suid-Afrika Suid-Afrika
ProvinsieVrystaat
DistrikLejweleputswa
MunisipaliteitMatjhabeng
Stigting1927
Regering
 • RaadslidMoeketsi Augus Mothege (ANC)
Oppervlak
 • Totaal9,8 km2 (3,8 vk. myl)
Hoogte
1 396 m (4 580 ft)
Bevolking
 (2011)[1]
 • Totaal24 355
 • Digtheid2 485/km2 (6 440/vk. myl)
Rasverdeling (2011)
 • Wit mense11.6%
 • Indiërs/Asiërs0.3%
 • Bruin mense0.4%
 • Swart mense87.4%
 • Ander0.3%
Taal (2011)
 • Sotho 77.3%
 • Afrikaans 12.9%
 • Xhosa 4.0%
 • Gebaretaal 1.4%
 • Ander 4.4%
Poskode (strate)
9445
Poskode (posbusse)
9445
Skakelkode057
Die NG kerk Hennenman, ontwerp deur Moerdyk en Moerdyk. Ds. J.H.A. Crous het die hoeksteen gelê op 27 Januarie 1945.

Geskiedenis wysig

Binne die distrik is die dorp ongewoon deurdat sy ekonomie hoofsaaklik op landbou gegrond is pleks van op goud, maar dit is tog deel van die Vrystaatse Goudveld. Die dorp, wat aanvanklik uit 'n spoorwegstasie ontwikkel het, was voorheen bekend as Ventersburg Road. Die rede hiervoor was dat Hennenman gedien het as 'n spoorhoof vir Ventersburg wat 18 km verder oos geleë is.

Op 'n vergadering op 25 Mei 1927 is die naam verander na Hennenman toe 'n vooraanstaande plaaslike boer vernoem is. Hy was Petrus Hennenman wat hom in 1860 in die Oranje-Vrijstaat gevestig het, waarna hy in 1873[2] die plaas Zwartpan aangekoop het. Op 5 Desember 2000 is Hennenman geïnkorporeer in die Matjhabeng Plaaslike Munisipaliteit, wat die stad Welkom en die dorpe Allanridge, Odendaalsrus, Ventersburg en Virginia insluit.

Voor en tydens die apartheidsjare, het swart mense 'n afsonderlike gebied in die suidelike deel van Hennenman bewoon, wat in 1944 uitgelê is. In 1952 is hierdie huise egter gesloop deur die apartheidsregering weens hul nabyheid aan die wit gebiede. Die inwoners is onder dwang verskuif na 'n nuwe woongebied 15 km van Hennenman af, ironies genaamd Vergenoeg. Die naam van hierdie woongebied is later verander na Phomolong.

Distrik wysig

Die distrik is 598 km2 groot en is in 1963 geproklameer. Mielies is die belangrikste landbouproduk. Na die ontdekking van kalksteen is twee sementfabrieke hier ontwikkel, waarvan een by Whites is.

Sien ook wysig

Verwysings wysig

  1. 1,0 1,1 1,2 1,3 Som van die hoofplekke Hennenman en Phomolong tydens die 2011-Sensus.
  2. Plaasmoorde Bewys Bittereinders Moes NOOIT Oorgegee Het!, SAUK Nuus.net, 27 November 2020

Bronne wysig

  • Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
  • Rosenthal, Eric (1967). Ensiklopedie van Suidelike Afrika.