Hercules Robinson

Sir Hercules George Robert Robinson (Chinees: 羅士敏勳爵 of 羅便臣) was goewerneur van die Kaapkolonie van 1880 tot 1889.

Hercules Robinson
Hercules Robinson

Goewerneur van Hongkong
Ampstermyn
9 September 1859 – 11 Maart 1865
Monarg Victoria
Voorafgegaan deur John Bowring
Opgevolg deur Richard Graves MacDonnell

Goewerneur van Ceylon
Ampstermyn
21 Maart 1865 – 4 Januarie 1872
Monarg Victoria
Voorafgegaan deur Charles Justin MacCarthy
Opgevolg deur William Henry Gregory

Goewerneur van Nieu-Suid-Wallis
Ampstermyn
4 Maart 1872 – 24 Februarie 1879
Monarg Victoria
Voorafgegaan deur Somerset Lowry-Corry
Opgevolg deur Augustus Loftus

8ste Goewerneur van Nieu-Seeland
Ampstermyn
27 Maart 1879 – 9 September 1880
Monarg Victoria
Eerste minister George Grey
John Hall
Voorafgegaan deur George Phipps
Opgevolg deur Arthur Hamilton-Gordon

Persoonlike besonderhede
Gebore 19 Desember 1824
Sterf 28 Oktober 1897
Londen, Engeland, Verenigde Koninkryk
Alma mater Royal Military College, Sandhurst

Hy is in 1824 in Engeland gebore as die seun van admiraal Hercules Robinson en gaan as kadet na die militêre opleidingskool Sandhurst waarna hy sy kommissie as luitenant ontvang in 1844, maar die leër twee jaar later verlaat om hom by die koloniale diens aan te sluit.

Sy eerste senior amp was in die Wes-Indiese Eilande in 1854, van waar hy in 1859 verplaas is om goewerneur van Hongkong te word in die ouderdom van net 35. Hy het daar aangebly tot 1865. Daarna volg Ceylon in 1865 en Nieu-Suid-Wallis van 1872 tot 1880.

Hy word in 1880 goewerneur van die Kaapkolonie en ook hoë kommissaris van Suid-Afrika. Hy het byna onmiddellik met die Eerste Vryheidsoorlog en die Slag van Majuba te kampe gehad. Ná die vrede herstel is, was daar die stormloop om Betsjoeanaland toe hy magtiging verleen het vir sir Charles Warren se besettingsmag. Tydens Robinson se ampstermyn het die inbesitname van Masjonaland deur Cecil John Rhodes en sy ondersteuners opnuut diplomatieke uitdagings teweeg gebring wat Robinson met welslae die hoof gebied het.

Met die beëindiging van sy termyn in 1889 keer hy terug Engeland toe, maar hy het ses jaar later teruggekom om met die toenemende krisis ten opsigte van die verhoudinge met die Boererepublieke te help. Hy het die vrylating van dr. Leander Starr Jameson in 1896 help bewerk, hoewel hy dit duidelik gemaak het dat hy nie Jameson se optrede goedgekeur het nie.

Uit waardering vir die wyse waarop hy dié krisis hanteer het, het die Britse kroon hom in 1896 lord Rosmead gemaak. Hy is die jaar daarna oorlede.

Sien ook wysig

Bronne wysig

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.