Hoërskool Ficksburg
Die Hoërskool Ficksburg die enigste oorblywende van die dorp Ficksburg se destyds twee tradisioneel Afrikaanse hoërskole.
Die skool, wat nou dubbelmedium is, het die bynaam die Kanne gehad. Die skool was in die noordelike gedeelte van die dorp geleë en gedeeltes van die skoolgeboue is gebou met sandsteen van die Clarens-sandsteenformasie. Die tweede hoërskool, die Hoër Tegniese Skool Ficksburg (HTS), het die bynaam die Sixies gehad. Hierdie skool, wat eens 'n groot getal kinders gehad het, het nadat passasierstreine na Ficksburg gestaak is, begin kwyn toe 'n groot voedingsaar afgesny is. Dit het gelei tot die samesmelting van die twee skole onder die naam die Hoërskool Ficksburg.
Die perseel van die HTS (in die suide van Ficksburg) is toe oorgeneem as skoolterrein vir die hoërskool, terwyl die Hoërskool Ficksburg se ou terrein oorgeneem is deur die Laerskool Ficksburg.
Geskiedenis wysig
Die Hoërskool Ficksburg is in 1874 gestig. Willem Beukes is as die eerste onderwyser en skoolhoof aangestel. Die aanvanklike skoolgebou is eers in 1878 gebou, maar is na die tweede Anglo-Boereoorlog gesloop weens strukturele probleme. Toe Willem Beukes die skool in 1879 ná vyf jaar verlaat, was daar 'n leerlingtal van 15. Ná die Tweede Vryheidsoorlog is die skool in 'n tent en in die stadsaal gehuisves.
Gedenkwaardighede wysig
Een van die besonderse geboue van die Hoërskool Ficksburg is die ou biblioteek, waarvan die mure aan die bokant deur die skilder Pierneef beskilder is.
Noemenswaardige oudleerders wysig
- Minnie Postma, skrywer
Eksterne skakels wysig
- Die skool se amptelike webtuiste Geargiveer 29 Januarie 2016 op Wayback Machine
