Isuzu Motors Suid-Afrika
Isuzu Motors Suid-Afrika (Edms.) Bpk. is 'n voertuigvervaardiger met sy hoofkwartier in Sandton (Johannesburg), Suid-Afrika.
Isuzu Trucks South Africa is in November 2006 gestig met 'n totale belegging van 80 miljoen rand as 'n gesamentlike onderneming tussen Isuzu van Japan en General Motors Suid-Afrika (Pvt.) Bpk., met beide beleggers wat elk 50% besit het. Isuzu Motors Bpk. van Japan het sy aandeel in Isuzu Trucks South Africa tot 70% verhoog deur 'n 20%-belang van GM Suid-Afrika in 2013 te koop. In 2017 is aangekondig dat General Motors Suid-Afrika gesluit sal word, en Isuzu het die oorblywende 30% van die aandele van Isuzu Trucks South Africa gekoop en dit saamgesmelt met die ander bates van GM Suid-Afrika wat Isuzu ook verkry het, om Isuzu Motors Suid-Afrika te vorm.[1][2]
Isuzu Trucks South Africa het destyds slegs vervaardiging, verkope en ondersteuning van Isuzu kommersiële vragmotors (N-reeks en F-reeks) hanteer. Isuzu KB-bakkies is benewens sy Chevrolet en Opel-modelle deur GM Suid-Afrika behartig. Die nuwe Isuzu Motors Suid-Afrika hanteer beide Isuzu-bakkies en kommersiële vragmotors.
Produksiekapasiteit is 5 000 eenhede kommersiële vragmotors per jaar en 23 000 eenhede bakkies per jaar. Die aanlegbestuur rapporteer aan die maatskappy se president, Masanori Katayama.
Die aanlegperseel beslaan 'n oppervlakte van 16 602 vierkante meter in die General Motors Kempstonweg-aanleg in Gqeberha, asook 'n verdere 790 vk. meter by sy hoofkwartier in Sandton. Daar is ook uitvoere na Malawi, Mauritius, Mosambiek, Zambië en Zimbabwe. Die Suid-Afrikaanse maatskappy het sowat 50 administratiewe personeellede.
Verwysings wysig
- ↑ "General Motors South Africa". www.gmsouthafrica.co.za. Besoek op 18 Mei 2017.
- ↑ "Breaking News: General Motors exits SA – Isuzu to step in [with Video]". Cars.co.za (in Engels (VSA)). 18 Mei 2017. Besoek op 18 Mei 2017.