Izmit (Turks: İzmit; Grieks: Νικομήδεια, Nikomedia) is ’n stad in Turkye. Dit is die administratiewe hoofstad van die Kocaeli-provinsie en van die Kocaeli-metropool. Dit lê aan die Golf van Izmit (die antieke Golf van Astacus) in die See van Marmara, sowat 100 km van Istanboel in die noordwestelike deel van Anatolië. Die eintlike stad het ’n bevolking van 293 339 (2009-sensus) en die hele provinsie ’n bevolking van 1 422 752. (Anders as ander priovinsies in Turkye val die hele provinsie nou onder die metropool se munisipaliteit.)

Izmit

Kaart Wapen
Vlag
 Land Vlag van Turkye Turkye
 Région (Admin. gewes) Kocaeli
 Département
 Koördinate 40°45′50″N 29°56′30″O / 40.76389°N 29.94167°O / 40.76389; 29.94167
 Stigting 264 v.C.
 Oppervlakte:  
 - Totaal 1 045 vk km
 Hoogte bo seevlak 0 m
 Bevolking:  
 - Totaal (2008) 287 970
 - Bevolkingsdigtheid 293/vk km
 - Aire urbaine 293 339
 Tydsone UTC +1
 - Somertyd UTC +2
 Burgemeester (2008–2014) İbrahim Karaosmanoğlu (AKP)
 Amptelike webwerf www.izmit.gov.tr

Izmit (Nikomedia) was tussen 286 en 324 die oostelike en mees senior hoofstad van die Romeinse Ryk tydens die tetrargie of viervorstedom. Ná Konstantyn die Grote se oorwinning oor Licinius in 324 was Nikomedia tot in 330 Konstantyn se tussentydse hoofstad, totdat die nabygeleë Bisantium (die huidige Istanboel) as hoofstad gekies is.

Izmit word omring deur Golf van Izmit in die suide, Istanboel en die See van Marmara in die weste, die Swartsee in die noorde en Sakarya in die ooste. Die grootste deel van die stad lê op heuwels, met plat gebiede om die golf. Die middestad lê op die plat deel en die spoorlyne en snelweë loop ook van dié gebied af, wat naby die See van Marmara lê. Die heuwelagtige gebiede het talle historiese huise uit die Ottomaanse tydperk.

Verwysings wysig

Hierdie artikel is merendeels vertaal vanaf die Engelse Wikipedia-artikel en:İzmit