Jack Parow (gebore Zander Tyler, 1982 in Bellville) is 'n Afrikaanse kletsrymer (rapper) van Bellville, Wes-Kaap met 'n kenmerkende lang keps op sy kop wat bekend is vir sy enkelspeler Jy Dink Jy is Cooler as Ekke.

Jack Parow
Agtergrondinligting
GeboortenaamZander Tyler
Gebore1982
Bellville, Wes-Kaap
OorsprongKaapstad, Suid-Afrika
GenresKletsrym, hip-hop
Jare aktief2009 tot hede
EtiketteFirst Lady[1]
AssosiasiesFokofpolisiekar
Die Heuwels Fantasties
Die Antwoord
Webwerfjackparow.com Edit this at Wikidata

Parow is ook bekend vir sy bydrae tot die liedjie Die Vraagstuk saam met Die Heuwels Fantasties. Hy het ook in 2009 saam met Die Heuwels Fantasties by Oppikoppi opgetree. Verder dra hy by, en werk saam met Die Antwoord, Fokofpolisiekar en Early B in liedjies soos Wat Pomp, Doos Dronk en Potte

Parow het in Maart 2010 'n musiekvideo vir sy enkelsnit Dans Dans Dans geskiet. Die sanger Francois van Coke van Fokofpolisiekar is ingespan om die refrein te sing. 'n Buitengewoon hoë bedrag van R280 000 is vir die vervaardiging van die musiekvideo betaal.[2]

Met My Koningkryk, 'n liedjie op die Afrika 4 Beginners album, is Jack Parow se ode aan Suid-Afrika. Hier is 'n uittreksel van die lirieke:

“Oh no, what’s a bunny chow, buddy

no no bunny, half loaf curry

bro don’t worry, you wanna feel better?

medicine man make your d*ck grow bigger

klomp goeie tye, dalk klein bietjie crime

maar ons rol dik rustig op African time.”

Niks omtrent Jack Parow is gewoon nie. Sy lirieke waarsku en daag uit. Met sy liedjie Bang Babbelas op die album Afrika 4 Beginners, dra hy die boodskap oor dat die gebruik van drank met verantwoordelikheid gepaard moet gaan.

Parow wou van kleins af 'n kletsrymer wees. Die Amerikaanse kletsrymer, Snoop Dogg se Doggystyle en liedjies van T-Pain het hom geïnspireer. Hy het eers in Engels en toe later in Afrikaans gekletsrym. In Januarie 2017 het Parow ook sy eie brandewyn bekendgestel.

Diskografie wysig

Albums wysig

  • Jack Parow, 2009
  • Eksie Ou, 2011
  • Nag van die lang pette (2014)
  • Dis hoe ons rol (2016)
  • Afrika 4 Beginners (2017)

Enkelsnitte wysig

  • Cooler as Ekke EP (2009)
  • From Parow with Love EP (2016)

Persoonlike lewe wysig

Parow het 'n dogter, Ruby Tyler, gebore in 2012. Sy was ook die inspirasie vir sy lied Dis Befok. Inhoud vir die musiekvideo van die hierdie lied is ingesamel deur 'n kamera aan haar lyf vasgemaak sodat die kyker 'n kinderlike ervaring kan beleef.

Boek wysig

In 2015 het Jack Parow 'n biografie uitgegee, getiteld Die Ou Met die Snor by die Bar, deur Theunis Engelbrecht.

 
Koninginnedagfees (Queensday festival) by die Effenaar in Eindhoven, 30 April 2011.

Filmografie wysig

  • In 2016 het Parow en sy vriend, Hardus van Deventer, 9 episodes geskiet vir 'n televisiereeks, Dis Hoe Ons Rol. Dit was vanaf Julie 2016 uitgesaai op kykNET. Die verfilming het gestrek oor 30 dae waar die twee mans langs die Suid-Afrikaanse kus toer met hul motorfietse en Parow oral optree.

Sien ook wysig

Bron wysig

  • Foto's en feite verkry vanaf persverklarings.

Verwysings wysig

Eksterne skakels wysig