Joes (Cyrillies)

Cyrilliese letter Ѧ



Cyrilliese alfabet
А Б В Г Ґ Д Ђ
Ѓ Е Ё Є Ж Ѕ З
И І Ї Й Ј К Л
Љ М Н Њ О П Р
С Т Ћ Ќ У Ў Ф
Х Ц Ч Џ Ш Щ Ъ
Ы Ь Э Ю Я    
Ou letters
Ҁ Ѹ Ѡ Ѻ Ѿ Ѣ  
Ѥ Ѧ Ѫ Ѩ Ѭ Ѯ Ѱ
Ѵ Ѷ Ѳ        

Ѧ (kleinletter: ѧ) is ’n letter van die ou Cyrilliese en die Glagolitiese alfabet wat nie meer gebruik word nie. Dit is "klein joes" genoem. ’n Variant van die letter was "groot joes" (Ѫ ѫ). Eersgenoemde het waarskynlik die nasale voorklinker /ɛ̃ /voorgestel en laasgenoemde die nasale agterklinker /ɔ̃]/. Albei het gejotifiseerde variante gehad: die "gejotifiseerde klein joes" (Ѩ ѩ) en "gejotifiseerde groot joes" (Ѭ ѭ), wat met die Cyrilliese letter І gevorm is.

Alle moderne tale wat die Cyrilliese alfabet gebruik, het hul nasale klinkers verloor en dit het dié letters oorbodig gemaak. Die kursiewe vorm van "klein joes" is mettertyd aangepas om die Cyrilliese letter Я (/ja/) te vorm, wat steeds gebruik word.