Kerli Kõiv [ˈkerli ˈkɤ.iv] (* 7 Februarie 1987 in Elva, Tartumaa, Estland), beter bekend onder haar voor- en kunstenaarsnaam Kerli, is 'n Estniese pop-sangeres wat met haar debuutalbum Love Is Dead (2008) internasionale bekendheid verwerf en 'n posisie in die Amerikaanse Billboard 200-trefferlys behaal het.

Kerli
Kerli
Agtergrondinligting
GeboortenaamKerli Kõiv
OorsprongElva, Tartumaa, Vlag van Estland Estland
GenresPop, rock, alternatiewe pop, elektropop
Beroep(e)Sangeres, aktrise
InstrumenteStem
Jare aktief2002 – hede
EtiketteIsland Records
Webwerfkerlimusic.com

Biografie wysig

Kerli is in 1987 in die Estniese dorp Elva gebore. As tiener het sy sang-, dans-, toneel- en klavierlesse geneem. In 2002 het Kerli die sangkompetisie Fizz Superstar, wat in die drie Baltiese lande gehou word, gewen en twee jaar later 'n tweede plek in die Eurolaul-kompetisie behaal waartydens die Estniese verteenwoordiger vir die Europese Uitsaaikorporasie EBU se Eurovision-sangfees van 2004 bepaal is. In 2005 het sy saam met haar ma na Los Angeles verhuis.

Danksy haar talent as sangeres en liedjieskryfster het sy in 2006 die kans gekry om 'n sangoudisie by L.A. Reid te doen wat haar 'n platekontrak met Island Def Jam verseker het. Kerli het met die produsent, liedjieskrywer en klankmenger David Maurice saamgewerk om 'n reeks outobiografiese liedjies op te neem waarvan die eerstes in 2007 op die digitale EP Kerli vrygestel is. Haar debuutalbum Love Is Dead is op 29 Februarie 2008 deur Universal Music Group vrygestel, en op 20 Mei 2008 het haar musiekvideo Walking On Air première op die musiekkanaal MTV Overdrive gehad. Hierdie liedjie is vir die week van 21 Julie 2008 as iTunes se "Enkelsnit van die week" gekies.

In die somer van 2009 het haar debuutalbum ook op beduidende Europese markte soos Duitsland verskyn.[1] Kerli is tans besig om haar tweede album op te neem wat na verwagting vroeg in 2010 vrygestel sal word.

Verwysings wysig

  1. Steffen Rüth: Kerli – Die baltische Björk. In: piranha, jaargang 14, nommer 5 (2009), bl. 45