Kiribati

Eilandnasie

Kiribati, amptelik die Republiek Kiribati (Engels: Republic of Kiribati, Kiribaties: Ribaberiki Kiribati), is 'n eilandnasie in die Stille Oseaan en Oseanië langs die ewenaar, wat vroeër as die Gilberteilande bekend gestaan het. Kiribati beslaan 'n oppervlakte van 811 km² en het 'n bevolking van 103 500 in 2010 gehad. Kiribati is in die ooste van Nauru en die Gefedereerde State van Mikronesië, in die suidooste van die Marshalleilande, in die suide van Hawaii, in die noordweste van Frans-Polinesië en in die noorde van die Cookeilande, Tokelau en Tuvalu geleë. Kiritimati is ook deel van Kiribati. Die hoofstad en grootste stad is Suid-Tarawa.[5]

Republic of Kiribati (Engels)
Ribaberiki Kiribati (Kiribaties)
Republiek Kiribati
Vlag van Kiribati Wapen van Kiribati
Vlag Wapen
Nasionale leuse: Te Mauri, Te Raoi ao Te Tabomoa
(Kiribaties vir: "Gesondheid, vrede en voorspoed")
Volkslied: Teirake Kaini Kiribati
(Kiribaties vir: "Staan op, Kiribati")
Ligging van Kiribati
Hoofstad Suid-Tarawa[1]

1°28′S 173°2′O / 1.467°S 173.033°O / -1.467; 173.033

Grootste stad Suid-Tarawa
Amptelike tale Engels en Kiribaties
Regering Parlementêre republiek
Taneti Mamau
Teuea Toatu
Onafhanklikheid
Onafhanklikheid
• van die Verenigde Koninkryk


12 Julie 1979
Oppervlakte
 - Totaal
 
 - Water (%)
 
811 km2  (172ste)
313 myl2
feitlik niks
Bevolking
 - 2010-skatting
 - 2015-sensus
 - Digtheid
 
103 500 (197ste)
110 136[2]
152 / km2 (73ste)
393,7 / myl2
BBP (KKP)
 - Totaal
 - Per capita
2017-skatting

$751 miljoen[3]
$6 518[3]

BBP (nominaal)
 - Totaal
 - Per capita
2017-skatting

$226 miljoen[3]
$1 964[3]

MOI (2014) 0,590[4] (137ste)  –  medium
Geldeenheid Kiribati-dollar en
Australiese dollar (AUD)
Tydsone
 - Somertyd
(UTC+12 tot +14)
nie toegepas nie (UTC+12 tot +14)
Internet-TLD .ki
Skakelkode +686
Nasa-Satellietbeeld van Kiribati se Gilberteilande
Kaart van Kiribati

Die "Gilberteilande" is genoem ná die seekaptein Thomas Gilbert wat in 1788 saam met die seekaptein John Marshall, ná wie die Marshalleilande genoem is, Kiribati en die Marshalleilande vir Europa ontdek het.[6]

Op 12 Julie 1979 het Kiribati van die Verenigde Koninkryk onafhanklik geword. Kiribati is 'n parlementêre republiek binne die Britse Statebond.

Kiribati word ernstig deur klimaatverandering bedreig. Volgens die Wêreldbank se raming sal dié eilandnasie in 2050 nie meer bewoonbaar wees nie en teen 2070 oorwegend oorstroom.[7]

Die eilandnasie bestaan uit 32 atolle in drie argipels en die eiland Banaba.

Kaart Gilberteilande 16 atolle
282 km²
Kaart Phoenixeilande 8 atolle
27,7 km²
Kaart Line-eilande 8 van altesaam 11 atolle
495 km²

Verwysings wysig

  1. "Kiribati government website" (in Engels). Government of Kiribati. Geargiveer vanaf die oorspronklike op 29 Junie 2017. Besoek op 18 Maart 2016.
  2. "Kiribati Stats at a Glance" (in Engels). Kiribati National Statistics Office. Geargiveer vanaf die oorspronklike op 25 November 2019. Besoek op 14 Februarie 2018.
  3. 3,0 3,1 3,2 3,3 (en) "Kiribati". Internasionale Monetêre Fonds. Besoek op 14 Februarie 2018.
  4. "2015 Human Development Report" (PDF) (in Engels). United Nations Development Programme. 2015. Geargiveer (PDF) vanaf die oorspronklike op 16 Mei 2020. Besoek op 14 Februarie 2018.
  5. "Kiribati". CIA World Factbook (in Engels). Central Intelligence Agency. 7 Februarie 2018. Geargiveer vanaf die oorspronklike op 1 Mei 2020. Besoek op 14 Februarie 2018.
  6. (en) Samuel Eliot Morison (22 Mei 1944). "The Gilberts & Marshalls: A distinguished historian recalls the past of two recently captured pacific groups". Life. Besoek op 14 Februarie 2018.
  7. Mike Ives (2 Julie 2016). "A Remote Pacific Nation, Threatened by Rising Seas". The New York Times (in Engels). The New York Times Company. Geargiveer vanaf die oorspronklike op 21 April 2020. Besoek op 14 Februarie 2018.

Eksterne skakels wysig