'n Kliniek (of primêre gesondheidsorg kliniek of buitepasiënte kliniek) is 'n gesondheidsorgfasiliteit wat hoofsaaklik gewy word aan die versorging van buitepasiënte. Klinieke kan privaat bedryf word, of regeringsbestuur en -befonds wees. Tipies dek die primêre gesondheidsorg die behoeftes van die bevolking in die plaaslike gemeenskappe, in teenstelling met groter hospitale wat gespesialiseerde behandeling verrig en pasiënte vir oornagverblyf toelaat. Soms groei klinieke so groot soos hospitale, of word geassosieer met 'n hospitaal of mediese skool, met die behoud van die naam "kliniek". (Voorbeeld: Mayo Kliniek).

'n Mediese kliniek. Die groen kruis is in teenstelling met die rooi kruis wat op 'n hospitaal pryk.
'n Dokter wat in 'n kliniek werk.

Klinieke word dikwels geassosieer met 'n mediese praktyk, wat deur een of meer algemene praktisyns of praktykbestuurders bedryf word. Sommige klinieke word bedryf deur die regering, nie-regeringsorganisasies of hospitale, terwyl sommige kliniese dienste uitgekontrakteer word aan private maatskappye, wat spesialiseer in die voorsiening van spesifieke gesondheidsdienste. In China, byvoorbeeld, het eienaars van dié klinieke nie formele mediese opleiding nie. Daar was 659 596 dorpsklinieke in China in 2011. Gesondheidsorg in Indië, China, Rusland en Afrika se uitgestrekte landelike gebiede word deur mobiele klinieke of "langs-die-pad" apteke gelewer, waarvan sommige geïntegreer is met tradisionele gesondheidspraktyke. In Indië bied hierdie tradisionele klinieke medisyne en kruie aan wat plaaslike mediese praktyke ondersteun. In al hierdie lande is tradisionele medisyne geneig om 'n oorerflike praktyk te wees.

Eksterne skakels wysig