Leo IV die Kasaar
Leo IV (Grieks: Λέων Δ΄, Leōn IV; 25 Januarie 750 – 8 September 780) was die Bisantynse keiser van 775 tot 780. Hy was ook bekend as Leo die Kasaar.
| Leo IV | |
|---|---|
| Keiser van die Bisantynse Ryk | |
 ’n Muntstuk wat Leo IV en sy seun Konstantyn VI uitbeeld, met sy oupa Leo III en pa Konstantyn V op die keersy.
| |
| Bewind | 25 Maart 775 – 18 Junie 780 |
| Ander name | Leo die Kasaar |
| Dinastie | Siriese |
| Gebore | 25 Januarie 750 |
| Oorlede | 8 September 780 |
| Voorganger | Konstantyn V |
| Opvolger | Konstantyn VI |
| Eggenote | Irene |
| Kinders | Konstantyn VI |
| Vader | Konstantyn V |
| Moeder | Tzitzak ("Irene van Kasarië") |
Hy was die seun van keiser Konstantyn V en sy eerste vrou, Irene, dogter van die grootkhan Bihar van Kasarië. Leo is in 751 tot medekeiser verhef en in Desember 769 het hy met Irene getrou. Toe Konstantyn in 775 sterf, was Leo die alleenheerser.
Op 24 April 776 het Leo sy seun, Konstantyn VI, as medekeiser gekroon. Dit het gelei tot ’n opstand deur sy vyf halfbroers, wat die troon vir hulself wou hê. Die opstand is gou onderdruk en die samesweerders is geslaan en na die Krim verban.
Toe Leo op 8 September 780 dood is, het sy vrou, Irene, hom opgevolg. Sommige historici vermoed hy is vermoor, dalk deur Irene, terwyl ander dink hy was reeds siek toe hy keiser geword het. Konstantyn VI was sy enigste seun; hy het hom opgevolg en saam met sy ma regeer.
Hierdie artikel is vertaal uit die Engelse Wikipedia
