Maori (skip)
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Britse stoomskip Maori het op 5 Augustus 1909 naby Kommetjie in die Kaapse Skiereiland vergaan. Omdat die wrak van die skip so besonder goed en heelwat beter as tydgenootlike wrakke bewaar gebly het en boonop ook goed bereikbaar is, is dit baie gewild onder duikers. Weens hierdie en ook die stranding van ander skepe in die direkte omgewing is die Slangkop-vuurtoring in Februarie 1919 opgerig.
Die Maori van 5317 ton is in 1893 in Newcastle in Engeland as 'n passasierskip vir die Shaw Savill Co. gebou. Mettertyd is dit al meer as vragskip benut.
Op 3 Augustus 1909 was die Maori voor anker in Kaapstad se hawe om steenkool in te skeep vir die voortsetting van sy reis van Londen in Engeland na Dunedin in Nieu-Seeland. Aan boord was 'n bemanning van net oor die 50 en 'n vrag hoofsaaklik bestaande uit springstof, spoorwegstawe en Engelse porselein. Die kaptein was G. Nicole. Met die skip se vertrek uit die hawe, het die noordwestewind besonder hewig gewaai, 'n dik mis het oor die hawe gehang en stortbuie het uitgesak. Minder as 'n uur na die Maori se vertrek uit Tafelbaai, loop dit net oos van Duikerpunt en onder Karbonkelberg by Houtbaai op die rotse. Ongeveer 30 man oorleef nie die ramp nie.
Deur die jare heen het duikers verskeie metaal objekte en heel porseleinware van die skip geberg.
Bibliografie wysig
| Wikimedia Commons bevat media in verband met Maori (ship, 1893). |
- Potgieter, Coenraad: Skipbreuke aan ons kus. Kaapstad: Tafelberg, 1969.
- Turner, Malcolm: Shipwreck and salvage in South Africa – 1505 to the present. Kaapstad: Struik, 1988. ISBN 0-86977-387-9