Marcin Knackfus

Marcin Knackfus (Litaus Martynas Knakfusas, * voor 1742, † ná 1821) was 'n Pools-Litause argitek wat veral bekend staan vir sy talle Neoklassieke geboue in die Litause hoofstad Vilnius. Hieronder val die beroemde sterrewag (1782-1786), die binne-ontwerp van die Universiteit van Vilnius se hoofgeboue en 'n groot aantal openbare en privaat geboue.

Die Universiteit van Vilnius se sterrewag is die oudste gebou in die Neoklassieke boustyl in Litaue

Kerk in Kurtuvėnai

Buite Vilnius het hy die kerkgeboue van Kurtuvėnai en Troškūnai in die laat Barok-styl ontwerp. Knackfus het daarnaas bekendheid verwerf as die leermeester van Laurynas Gucevičius, Litaue se befaamde Klassisistiese boumeester.