Mariehamn
Mariehamn (Sweeds: [mɑriːeˈhɑmn], ; Fins: Maarianhamina, [ˈmɑːriɑnˌhɑminɑ]) is die hoofstad en grootste stad van Åland, 'n outonome administratiewe provinsie en gebied van Finland. Die stad het 'n bevolking van 11 817 in 2023 gehad en beslaan 'n oppervlakte van 20,75 km².
|
Mariehamn • Maarianhamina | |
|---|---|
| Kaart | Wapen |
 | |
 | |
| Vlag | |
 | |
| Land |  Finland
|
| Administratiewe streek |  Åland
|
| Koördinate | 60°06′N 19°56′O / 60.100°N 19.933°O |
| Stigting | 1861 |
| Oppervlakte: | |
| - Totaal | 20,75 vk km |
| Hoogte bo seevlak | 1 m |
| Bevolking: | |
| - Totaal (2023) | 11 817 |
| - Bevolkingsdigtheid | 1000,59/vk km |
| Tydsone | UTC +2 (OET) |
| - Somertyd | UTC +3 (OEST) |
| Klimaat | |
| - Tipe | Kontinentaal-gematig |
| - Gemiddelde jaarlikse temperatuur | 6,4 °C |
| - Gem. temp. Januarie/Julie | −1,3 / 16,8 °C |
| - Gemiddelde jaarlikse neerslae | 634 mm |
| Burgemeester | Arne Selander |
| Amptelike webwerf | www.mariehamn.ax |
Toe Mariehamn, tans die enigste stedelike nedersetting op die Åland-eilande, in 1861 deur tsaar Aleksander II op 'n smalle landtong tussen twee natuurlike hawens gestig en na die tsarin Maria Alexandrovna vernoem is, was die bevolking 'n skrale dertigtal. Die naam van die stad beteken "Maria se hawe". Die bloeitydperk van die Ålandse handelsvloot en seevervoer in die 19de en 20ste eeu asook die besluit van die Volkebond om 'n outonome status aan die eilandgroep te verleen, het tot 'n vinnige ekonomiese opswaai gelei.
Mariehamn is deesdae 'n gewilde vakansiebestemming vir merendeels Sweedse en Finse toeriste waar groot veerbote, wat van Swede na Finland onderweg is, aandoen.[1]
Verwysings wysig
Eksterne skakels wysig
Wikimedia Commons het meer media in die kategorie Mariehamn.- (en) Toerisme-inligting oor Mariehamn op Wikivoyage
- (sv) Amptelike webwerf
- (en) "Mariehamn". Encyclopædia Britannica. Besoek op 16 Maart 2024.
