Marondera

dorp in die provinsie Masjonaland-Oos van Zimbabwe

Marondera is 'n redelike groot dorp in die provinsie Masjonaland-Oos van Zimbabwe met 'n geraamde bevolking in 2007 van 60 291.

Marondera

(vroeër Marandellas)
Leuse(s): 
"Floreat Marondera" (May Marondera Flourish)
Marondera is in Zimbabwe
Marondera
Marondera
Koördinate: 18°11′0″S 31°33′0″O / 18.18333°S 31.55000°O / -18.18333; 31.55000Koördinate: 18°11′0″S 31°33′0″O / 18.18333°S 31.55000°O / -18.18333; 31.55000
LandVlag van Zimbabwe Zimbabwe
ProvinsieMasjonaland-Oos
Dorp1913
Stad1943
Stad1982
Bevolking
 • Totaal60 291
TydsoneUTC+2 (SAT)

Die dorp het tot ongeveer 1982 as Marandellas, 'n verbastering van sy oorspronklike naam, bekend gestaan. Dit is 72 km suidoos van Harare op die hoofpad na Mutare geleë. Die naam is afgelei van die naam van die hoofman van die Zezuru-stam wat eens hier gewoon het. Die dorp is rondom 'n groot sentrale plein aangelê en is redelik boomryk, met 'n aangename klimaat danksy die hoogte bo seespieël.

Van die vernaamste bedrywe in die omgewing is bosbou, beesboedery, suiwelprodukte, graan en tabak, hoewel die landbousektor sedert die jaar 2000 feitlik in duie gestort het vanweë Robert Mugabe se beleid om beslag te lê op plase in wit beheer.

NG gemeente wysig

Die NG gemeente Marandellas is op 1 November 1950 gestig. Die eerste leraar was ds. H.C. de Wet. Voor die kerkgebou opgerig is, is eredienste in 'n Dingaansfeeshuis in een van die gemeente se wyke gehou. By afstigting was hier 270 lidmate oor 400 myl van noord tot suid versprei. Die gemeente het weens die voortdurende afname in die getal lidmate in Zimbabwe in die middel jare 90 met Rusape saamgesmelt om bekend te staan as die NG gemeente Marondera-Rusape. Volgens die amptelike Jaarboek van die Nederduitse Gereformeerde Kerke was die lidmaattal van die verenigde gemeente 62 in 2007.

Bronne wysig

  • Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.

Eksterne skakels wysig