Melissa rekenaarwurm
Die Melissa Wurm, ook bekend as "Mailissa", "Simpsons", "Kwyjibo", of "Kwejeebo", is 'n rekenaarwurm wat ook funksioneer as 'n makrovirus.
Geskiedenis wysig
Die wurm is die eerste keer gevind op 26 Maart, 1999. Melissa het wêreldwyd een van die berugste rekenaarwurms geword. Dit het tot gevolg dat E-posstelsels verstop raak met e-pos wat deur die virus versprei word sodat die posstelsels ophou funksioneer.
Melissa was die eerste keer versprei in die "Usenet" besprekingsgroep "alt.sex". Die virus was binne 'n lêer genoem "List.DOC", wat wagwoorde bevat vir toegang tot 80 pornografiese webwerwe. Die wurm se oorspronklike vorm is gestuur via e-pos aan baie mense.
Melissa is geskryf deur David L. Smith in Eatontown, New Jersey, en hy het die virus vernoem na 'n skootdanseres wat hy ontmoet het in Florida. Die skepper van die virus het homself Kwyjibo genoem, maar was dieselfde as die makrovirusskrywers VicodinES en Alt-F11 wat 'n aantal Word-lêers besit het met dieselfde Globale Unieke Identifiseerder (Engels: Globally Unique Identifier) (GUID), 'n serie-nommer wat vroeër gegenereer was met die netwerkkaart "MAC address" van 'n rekenaar. Smith is gevonnis tot 20 maande tronkstraf in 'n federale tronk en beboet met $5000.