Michail Prochorof

Michail Dmitrijewitsj Prochorof (Russies: Михаи́л Дми́триевич Прóхоров; gebore 3 Mei 1965) is ’n Russiese miljardêr-oligarg[1] en die eienaar van die Amerikaanse basketbalspan New Jersey Nets. Hy was een van die kandidate in die Russiese presidentsverkiesing van 4 Maart 2012 en het derde geëindig met 7,9 persent van die stemme.

Michail Prochorof
Gebore
Михаи́л Дми́триевич Про́хоров

3 Mei 1965
NasionaliteitVlag van Rusland Russies
BeroepPolitikus, sakeman
Bekend virEienaar van die ONEXIM-groep
Politieke partyKomsomol (1979–1988)
KPSU (1988–1991)
Burgerlike platform (2012-hede)
Handtekening

Loopbaan wysig

Nadat Prochorof aan die Moskouse Finansiële Instituut gegradueer het, het hy naam in die finansiële sektor gemaak en een van die land se voorste nyweraars in edelmetale geword. Toe hy die hoof van Norilsk Nikkel was, het die maatskappy die grootste vervaardiger van nikkel en palladium geword. Hy was ook voorsitter van Poljoes Goud, Rusland se grootste goudvervaardiger, en president van die Onexim-groep. Hy het uit albei posisies bedank toe hy in Junie 2011 tot die politiek toegetree het.

Hy is die derde rykste man in Rusland en die 32ste rykste man in die wêreld volgens Forbes se 2011-lys, met ’n fortuin wat op $18 miljard (R140 miljard) geskat word.[2]

Verkiesing wysig

Sy kritici beweer sy Regte Saak-party is ’n projek deur die Kremlin om ’n liberale alternatief te skep vir kiesers wat ontevrede is met die regerende Verenigde Rusland-party en hulle te lok om te stem vir ’n party wat die regering goedgesind is.[3][4] In Desember 2011 het Prochorof aangekondig dat hy as ’n onafhanklike kandidaat sal staan.

Verwysings wysig

  1. Russian oligarch Prokhorov aims to go into politics – BBC News, 16 Mei 2011]
  2. "The World's Billionaires > Russia". Forbes (in Engels). n.d. Geargiveer vanaf die oorspronklike op 26 April 2020. Besoek op 12 Desember 2012.
  3. Schwirtz, Michael (16 Mei 2011). "Mikhail D. Prokhorov to Lead a Russian Political Party". The New York Times (in Engels). Geargiveer vanaf die oorspronklike op 5 November 2019.
  4. http://www.rosbalt.ru/main/2011/08/18/880855.html

Eksterne skakels wysig