Mogalakwenarivier

Die Mogalakwenarivier is 'n belangrike takrivier van die Limpoporivier in die noordweste van Limpopo, Suid-Afrika. Die naam van die rivier beteken "kwaai krokodil" in Noord-Sotho (bogale of mogale beteken 'kwaai', en kwena, 'krokodil'). Die opvanggebied van die Mogalakwena word op 20 248 km² geskat. In sy boloop staan dit as die Nylrivier bekend. Hier vloei dit vir sowat 80 km noordooswaarts, tussen die Waterberg en Kranskop deur, en vorm 'n groot vloedvlakte wat deels deur die Nylsvley-natuurreservaat beskerm word. Noord van die vloedvlakte vloei dit noordwaarts en staan as die Mogalakwena bekend.

Mogalakwenarivier Magalakwin
Sanderige bedding van die Mogalakwena in Junie, naby Magagamatala, Limpopo Sanderige bedding van die Mogalakwena in Junie, naby Magagamatala, Limpopo
Stroomgebied	Limpopo, Suid-Afrika
Monding	Limpoporivier
Oorsprong-hoogte	1 060 m
Monding-hoogte	634 m
Stroomgebiedopp.	20 248 km2
Mogalakwenarivier
Koördinate: 22°27′24″S 28°55′25″O

Die Klein-Mogalakwenarivier naby Marken, Limpopo, is 'n linkersytak van die Mogalakwena. Hier vloei dit nog in Maartmaand na 'n goeie reënjaar.

Sytakke

Die Mothlakole, Dorps, Rooisloot, Groot Sandsloot, Witrivier, Sterk, Mokamole, Klein-Mogalakwena, Matlalane, Seepabana, Ga-Mamoleka, Pholotsi en Thwathwe is sommige van die Mogalakwena se sytakke.

Verwysings

Hierdie artikel is (gedeeltelik) vertaal uit die Engelse Wikipedia. Sien bron.